എസെക്സ്: ഹാര്ലോ ടൗണ് ട്രെയിന് സ്റ്റേഷനിലെ ടോയ്ലറ്റില് 14 വയസ്സുകാരിയെ പീഡിപ്പിച്ച കേസില് പ്രതിയെ തിരിച്ചറിയാന് പൊലീസ് സിസിടിവി ദൃശ്യങ്ങള് പുറത്തുവിട്ടു. കഴിഞ്ഞ വര്ഷം ഫെബ്രുവരി 18 ന് പുലര്ച്ചെ 2.30 നും 4.40 നും ഇടയിലാണ് പെണ്കുട്ടി പീഡനത്തിനിരയായത്. കറുത്ത ഹൂഡി, വെളുത്ത ട്രെയിനറുകള്, കീറിയ നീല ജീന്സ് എന്നിവ ധരിച്ച ഒരാളുടെ ദൃശ്യങ്ങളാണ് പുറത്തുവിട്ടിരിക്കുന്നത്. ഈ വ്യക്തിയെ തിരിച്ചറിയാന് കഴിയുന്നവര് ബ്രിട്ടിഷ് ട്രാന്സ്പോര്ട്ട് പൊലീസുമായി ബന്ധപ്പെടണമെന്ന് അധികൃതര് അഭ്യര്ഥിച്ചു.
