കൊല്ലം: ശബരിമല തന്ത്രിയുടെ കൈവശം ഉണ്ടായിരുന്ന വാജി വാഹനം പ്രത്യേക അന്വേഷണ സംഘം (SIT) കൊല്ലം വിജിലന്സ് കോടതിയില് ഹാജരാക്കി. പഴയ കൊടിമരത്തിലുണ്ടായിരുന്ന വാജി വാഹനം തന്ത്രി കണ്ഠരര് രാജീവര് കൈവശം വച്ചിരുന്നതാണ്. ചങ്ങനാശേരിയിലെ വീട്ടില് നടത്തിയ റെയ്ഡിലാണ് എസ്ഐടി സംഘം വസ്തു പിടിച്ചെടുത്തത്.
വിലപ്പെട്ട ദേവസ്വം വസ്തു
- ശബരിമലയിലെ ഏറ്റവും മൂല്യമുള്ള വസ്തുക്കളില് ഒന്നാണ് വാജി വാഹനം.
- 2017-ല് കൊടിമരം പുതുക്കി പുനഃസ്ഥാപിച്ചപ്പോള്, പതിനൊന്ന് കിലോ ഭാരമുള്ള പഞ്ചലോഹത്തില് നിര്മ്മിതമായ സ്വര്ണം പൊതിഞ്ഞ വാജി വാഹനം തന്ത്രി സ്വന്തം വീട്ടിലേക്ക് കൊണ്ടുപോയിരുന്നു.
- വിവാദങ്ങള് ഉയര്ന്നതിനെ തുടര്ന്ന് ദേവസ്വം ബോര്ഡിന് തിരികെ നല്കാമെന്ന് അറിയിച്ചിരുന്നെങ്കിലും, അത് തിരിച്ചേല്പ്പിച്ചിരുന്നില്ല.
കേസ് പശ്ചാത്തലം
കട്ടിളപ്പാളി കേസുമായി ബന്ധപ്പെട്ട് തന്ത്രിയെ അറസ്റ്റ് ചെയ്തതിന് പിന്നാലെ നടത്തിയ റെയ്ഡിലാണ് വാജി വാഹനം കണ്ടെത്തിയത്. ഇന്ന് കൊല്ലം വിജിലന്സ് കോടതിയിലാണ് പ്രത്യേക അന്വേഷണ സംഘം വസ്തു സമര്പ്പിച്ചത്
