കൊച്ചി: നടിയെ ആക്രമിച്ച കേസുമായി ബന്ധപ്പെട്ട വിചാരണക്കോടതി ജഡ്ജി ഹണി എം വര്ഗീസിനെതിരെ അതിജീവിതയുടെ അഭിഭാഷക ടിബി മിനി കോടതിയലക്ഷ്യ ഹര്ജി നല്കി. വിചാരണക്കോടതി തനിക്കെതിരെ പരസ്യമായി അപമാനകരമായ പരാമര്ശങ്ങള് നടത്തിയെന്നതാണ് ഹര്ജിയുടെ അടിസ്ഥാനമായ ആരോപണം.
ഹര്ജിയില് പറയുന്നത്:
- അതിജീവിതയുടെ അഭിഭാഷകരെ പരസ്യമായി അപമാനിക്കുന്നത് വിചാരണക്കോടതിയുടെ പതിവ് രീതിയാണെന്ന്.
- വിചാരണ സമയത്ത് അഭിഭാഷക കോടതിയില് വന്നത് പത്ത് ദിവസത്തില് താഴെയാണെന്നും, അരമണിക്കൂര് മാത്രമാണ് കോടതിയില് ഉണ്ടാകാറുള്ളതെന്നും കോടതി വിമര്ശിച്ചതായി.
- ''കോടതിയില് ഉണ്ടാകുമ്പോള് ഉറങ്ങുന്നതാണ് പതിവ്. വിശ്രമസ്ഥലം എന്ന രീതിയിലാണ് അഭിഭാഷക കോടതിയെ കാണുന്നത്. പിന്നെ പുറത്തുപോയി കോടതിയെ വിമര്ശിക്കുന്നു'' എന്നായിരുന്നു വിചാരണക്കോടതിയുടെ പരാമര്ശം.
കോടതിയലക്ഷ്യ ഹര്ജികള് പരിഗണിക്കുന്നതിനിടെയാണ് ഈ വിമര്ശനം ഉണ്ടായത്. അന്ന് ടിബി മിനി കോടതിയില് ഹാജരായിരുന്നില്ല. ''ടിബി മിനി എത്തിയിട്ടില്ലേയെന്ന്'' ചോദിച്ചുകൊണ്ടാണ് കോടതി വിമര്ശനം ഉന്നയിച്ചത്.
ഇതിനെതിരെ ടിബി മിനി കോടതിയലക്ഷ്യ ഹര്ജിയുമായി മുന്നോട്ട് പോയിരിക്കുകയാണ്
