അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ ഭാര കൂടുതലാണ് അമേരിക്കന്‍ സമൂഹ മാധ്യമങ്ങളിലെ ചര്‍ച്ചാ വിഷയം. കഴിഞ്ഞ ഒരു വര്‍ഷം കൊണ്ട് പ്രസിഡന്റിന്റെ ഭാരം ആറ് കിലോയോളം കൂടി 108 കിലോയായെന്ന് ഡോക്ടര്‍മാര്‍. യുഎസ് പ്രസിഡന്റിന്റെ ഔദ്ധ്യോഗിക ഡോക്ടറായ ഡോ. ഷോണ്‍ ബാര്‍ബബെല്ലയാണ് പ്രസിഡന്റിന്റെ ഭാരം 238 പൗണ്ട് (ഏതാണ്ട് 108 കിലോ) ആയെന്ന് അറിയിച്ചത്. 2025 ഏപ്രിലിന് ശേഷം നടത്തിയ നടക്കുന്ന ഔദ്ധ്യോഗിക മെഡിക്കല്‍ ചെക്കപ്പിന് പിന്നാലെയാണ് ട്രംപിന്റെ ആരോഗ്യ വിവരങ്ങള്‍ പുറത്ത് വന്നത്. 22 സ്‌പെഷ്യലിസ്റ്റ് ഡോക്ടര്‍മാരുടെ നേതൃത്വത്തില്‍ നടത്തിയ പരിശോധനയില്‍ ക്യാന്‍സര്‍ സ്‌ക്രിനിംഗ് അടക്കമുള്ള എല്ലാ പരിശോധനകളും നടന്നെന്ന് കഴിഞ്ഞ വെള്ളിയാഴ്ച പുറത്ത് വിട്ട റിപ്പോര്‍ട്ടില്‍ പറയുന്നു.

ഭാരം കൂടുന്നതൊഴിച്ചാല്‍ പ്രസിഡന്റിന്റെ ആരോഗ്യത്തിന് മറ്റ് കുഴപ്പങ്ങളൊന്നുമില്ലെന്ന് ഡോക്ടര്‍മാര്‍ അറിയിച്ചു. ആറ് അടി മൂന്നിഞ്ച് ഉയരമുള്ള ട്രംപിന്റെ ബോഡി മാസ് 29.7 ആണ്. ബോഡി മാസ് 30 ആണ് അമിതവണ്ണമുള്ളതായി ഡോക്ടര്‍മാര്‍ കണക്കാക്കുന്നതെന്ന് അസോസിയേറ്റഡ് പ്രസ്സ് റിപ്പോര്‍ട്ട് ചെയ്തു. ശരീരഭാരം കുറയ്ക്കുന്നതിനുള്ള കൗണ്‍സിലിംഗ് ട്രംപിന് നല്‍കിയിട്ടുണ്ടെന്ന് അറിയിപ്പില്‍ പറയുന്നു.

ഭക്ഷണക്രമം, കുറഞ്ഞ അളവിലുള്ള ആസ്പിരിന്‍, ശാരീരിക പ്രവര്‍ത്തനങ്ങള്‍ വര്‍ദ്ധിപ്പിക്കല്‍, തുടര്‍ച്ചയായ ശരീരഭാരം കുറയ്ക്കല്‍ എന്നിവ ഉള്‍പ്പെടെയുള്ള പ്രതിരോധ കൗണ്‍സിലിംഗ് നല്‍കിയിട്ടുണ്ട്,'' റിപ്പോര്‍ട്ടില്‍ പറയുന്നു. ഹൃദയ, ശ്വാസകോശ, നാഡീ, മൊത്തത്തിലുള്ള ശാരീരിക പ്രവര്‍ത്തനങ്ങള്‍ എന്നിവ ശക്തമാണെന്നും 79 -കാരനായ ട്രംപ് മികച്ച ആരോഗ്യത്തോടെ ഇരിക്കുനെന്നും ഡോ. ഷോണ്‍ ബാര്‍ബബെല്ല കൂട്ടിച്ചേര്‍ത്തു.

2018 -ല്‍ 223 ആയിരുന്നു ട്രംപിന്റെ കൊളസ്‌ട്രോല്‍ നില. കഴിഞ്ഞ ഏപ്രില്‍ ഇത് 140 ആയിരുന്നു. മരുന്നുകള്‍ ഉപയോഗിക്കുന്നതിനാല്‍ ഇപ്പോള്‍ 143 -ലാണ് കൊളസ്‌ട്രോള്‍. മോശം കോളസ്‌ട്രോളായ എല്‍ഡിഎല്‍ കുറയ്ക്കുന്നതിനും നല്ല കൊളസ്‌ട്രോായ എച്ച്ഡിഎല്‍ കൂട്ടുന്നതിനുമായി ട്രംപ് റോസുവാസ്റ്റാറ്റിന്‍, എസെറ്റിമൈബ് എന്നീ മരുന്നുകള്‍ കഴിക്കുന്നു. ഒപ്പം ആസ്പിരിന്റെ അളവ് കുറയാക്കാനും നിര്‍ദ്ദേശമുണ്ട്. തിരക്കേറിയ ദൈനംദിന ഷെഡ്യൂള്‍ കൈകാര്യം ചെയ്യുന്നത് ട്രംപിന്റെ ആരോഗ്യത്തെ ഒരു തരത്തിലും ബാധിച്ചിട്ടില്ലെന്നും റിപ്പോര്‍ട്ടില്‍ പറയുന്നു.