|
സിപിഎം നേതാവും എല്ഡിഎഫ് കണ്വീനറുമായ ഇ.പി.ജയരാജനെ വെടിവച്ച് കൊല്ലാന് ശ്രമിച്ചെന്ന കേസില് കെപിസിസി അധ്യക്ഷന് കെ.സുധാകരനെ ഹൈക്കോടതി കുറ്റവിമുക്തനാക്കി. കുറ്റപത്രത്തില് നിന്ന് ഒഴിവാക്കണമെന്ന കെ സുധാകാരന്റെ ഹര്ജിയിലാണ് കോടതിവിധി. കേസില് ഗൂഢാലോചന കുറ്റമാണ് സുധാകരനെതിരെ ചുമത്തിയിരുന്നത്.
കേസില് ഒന്നുംരണ്ടും പ്രതികളായ പേട്ട ദിനേശന്, വിക്രംചാലില് ശശി എന്നിവരെ ആദ്യം ആന്ധ്രയിലെ വിചാരണ കോടതി ശിക്ഷിച്ചെങ്കിലും മേല്ക്കോടതി കുറ്റവിമുക്തരാക്കിയിരുന്നു.
ഇക്കാര്യം ചൂണ്ടിക്കാട്ടി തന്നെയും കേസില് നിന്ന് കുറ്റമുക്തമാക്കണമെന്ന് കെ.സുധാകരന് തിരുവനന്തപുരം അഡീഷണല് സെഷന്സ് കോടതിയെ സമീപിച്ചത്. എന്നാല്, സുധാകരനെതിരെ ഗൂഡാലോചനക്ക് തെളിവുകളുണ്ടെന്ന് ചൂണ്ടിക്കാട്ടി ഹര്ജി വിചാരണ കോടതി തള്ളി. തുടര്ന്ന് ഹൈക്കോടതിയെ സമീപിക്കുകയായിരുന്നു. വിചാരണയില് നിന്ന് ഒഴിവാക്കണമെന്നും കെ സുധാകരന് ആവശ്യപ്പെട്ടിരുന്നു. |
