പുതിയ രാഷ്ട്രീയ പാര്ട്ടി രൂപീകരിക്കുമെന്ന് പ്രഖ്യാപിച്ച് പിവി അന്വര് എംഎല്എ. ജനങ്ങള് കൂടെയുണ്ടാകുമെന്നും കേരളത്തില് എല്ലായിടത്തും മത്സരിക്കുമെന്ന് പിവി അന്വര് വ്യക്തമാക്കി. വരുന്ന പഞ്ചായത്ത് തെരഞ്ഞെടുപ്പില് മത്സരിക്കുമെന്ന് അന്വര് അറിയിച്ചു പഞ്ചായത്ത് തിരഞ്ഞെടുപ്പില് പ്രാതിനിധ്യം ഉണ്ടാകുമെന്നും ആശയങ്ങളുമായി മുന്നോട്ട് പോകുമെന്നും പിവി അന്വര് പറഞ്ഞു.
അതേസമയം, മുഖ്യമന്ത്രി പിണറായി വിജയന് രാജി വെക്കണമെന്ന് പിവി അന്വര് ആവശ്യപ്പെട്ടു. പി.ആര് ഏജന്സി ഇല്ല എന്നാണ് ഇതുവരെ പറഞ്ഞത് ഇപ്പോള് അത് തെളിഞ്ഞുവെന്നും 32 മണിക്കൂര് കഴിഞ്ഞിട്ടാണ് വിഷയത്തില് വിശദീകരണം നല്കുന്നതെന്നും അന്വര് പറഞ്ഞു. |