മമ്മൂട്ടിയുടെ ‘ദ പ്രീസ്റ്റ്’ ചിത്രത്തിന്റെ മൂന്നാമത്തെ ടീസര്‍ പുറത്ത്. നേരത്തെ എത്തിയ രണ്ട് ടീസറുകള്‍ പോലെ തന്നെ ഏറെ ദുരൂഹതയും നിഗൂഢതകളും നിറയ്ക്കുന്നതാണ് പുതിയ ടീസറും. മമ്മൂട്ടിയും മഞ്ജു വാര്യരും അടക്കം ചിത്രത്തിലെ പ്രധാന കഥാപാത്രങ്ങളെല്ലാം ടീസറില്‍ പ്രത്യക്ഷപ്പെടുന്നുണ്ട്. ആക്ഷന്‍ രംഗങ്ങളും ടീസറില്‍ കാണാം.
4X4 മഡ് റേസ്
നവാഗതനായ ഡോ. പ്രഗഭൽ സംവിധാനം ചെയ്യുന്ന മഡ്ഡി സിനിമയുടെ ടീസർ റിലീസ് ചെയ്തു. ഇന്ത്യയിലെ ആദ്യത്തെ 4X4 മഡ് റേസ് സിനിമയായ മഡ്ഡി, നിർമാണത്തിന്റെ അവസാന ഘട്ടത്തിലാണ്. ഓഫ് റോഡ് മോട്ടോർ സ്‌പോർട്ടിന്റെ ഒരു രൂപമാണ് മഡ്റേസിങ്ങ്. മഡ്റേസിങ്ങ് വിഷയമാക്കിയുളള സിനിമകൾ അപൂർവമാണ്. മഡ് റേസിങ് വിഭാഗത്തിലെ സമഗ്രമായ ആക്‌ഷൻ ത്രില്ലറായാണ് ചിത്രം വിഭാവനം ചെയ്തിരിക്കുന്നത്.
ഗോഡ്സില്ല വേഴ്സസ് കിങ് കോങ്
കൊടും ഭീകരന്മാരായ ഗോഡ്സില്ലയും കിങ് കോങും നേർക്കുനേർ കൊമ്പുകോർക്കുന്ന ചിത്രം ഗോഡ്സില്ല വേഴ്സസ് കിങ് കോങ് പുതിയ ടീസർ എത്തി. അവഞ്ചേർസ് സൂപ്പർഹീറോ കഥാപാത്രങ്ങളെപ്പോലെ തന്നെ ഏറെ ആരാധകരുള്ള രണ്ട് പേരാണ് ഗോഡ്സില്ലയും കിങ് കോങും. കിങ് കോങ് സീരിസിലെ 12ാമത്തെ ചിത്രവും ഗോഡ്സില്ല സീരിസിലെ 36ാമത്തെ ചിത്രവുമാണിത്.
വെള്ളേപ്പം - ലിറിക്കല്‍ വീഡിയോ
നവാഗതനായ പ്രവീണ്‍ രാജ് പൂക്കാടന്‍ സംവിധാനം ചെയ്യുന്ന 'വെള്ളേപ്പം' ചിത്രത്തിലെ ആദ്യ ഗാനത്തിന്റെ ലിറിക്കല്‍ വീഡിയോ പുറത്ത്.
