ഡല്‍ഹി 6 എന്ന ചിത്രത്തിലെ പ്രശസ്തമായ മസക്കലി എന്ന ഗാനത്തിന്‍റെ റീമിക്സാണ് കഴിഞ്ഞ ദിവസമാണ് ടി-സീരിസ് യൂട്യൂബിലൂടെ പുറത്ത് വിട്ടത്. തനിഷ്കാണ് ഗാനം പുനസൃഷ്ടിച്ചത്. തുള്‍സി കുമാറും, സജിത് ടണ്ഠനും ചേര്‍ന്നാണ് റീമിക്സ് ഗാനം പാടിയിരിക്കുന്നത്. ചിത്രത്തിന്റെ വീഡിയോയില്‍ ബോളിവുഡ് താരം സിദ്ധാര്‍ത്ഥ് മല്‍ഹോത്രയും താര സുതാറിയയുമാണ് അഭിനയിച്ചത്.
ട്രെയിൻ ടു ബുസാന്റെ രണ്ടാം ഭാഗം
2016ൽ റിലീസ് ചെയ്ത സൂപ്പർഹിറ്റ് കൊറിയന്‍ സോംബി ചിത്രം ട്രെയിൻ ടു ബുസാന്റെ രണ്ടാം ഭാഗം പെനിൻസുല ടീസർ എത്തി. ബുസാനിൽ സോംബി ആക്രമണം ഉണ്ടായി നാല് വർഷത്തിനു ശേഷമുള്ള കഥയാണ് ചിത്രം പറയുന്നത്.
Fitness workout of Sruthy Lakshmi
വിവാഹശേഷവും ഫിറ്റ്നസിന് വളരെ പ്രാധാന്യം നൽകുന്ന നടിയാണ് ശ്രുതിലക്ഷ്മി. താൻ ഫിറ്റ്നസിനു പ്രാധാന്യം കൊടുക്കാൻ തുടങ്ങിയിട്ട് ഏതാണ്ട് ആറേഴു വർഷമേ ആയിട്ടുള്ളുവെന്ന് ശ്രുതി പറയുന്നു. പ്ലസ്ടുവിനു പഠിക്കുമ്പോഴാണ് റോമിയോയിൽ അഭിനയിക്കുന്നത്. ആ സമയത്ത് അത്യാവശ്യം വണ്ണമുള്ള കൂട്ടത്തിലായിരുന്നു.
'അവിയല്‍' ടീസര്‍
ജോജു ജോര്‍ജ്ജിനൊപ്പം അനശ്വര രാജനും ഒരു പ്രധാന കഥാപാത്രത്തെ അവതരിപ്പിക്കുന്ന 'അവിയല്‍' എന്ന ചിത്രത്തിന്റെ ടീസര്‍ പുറത്തെത്തി. ഷാനില്‍ രചനയും സംവിധാനവും നിര്‍വ്വഹിക്കുന്ന ചിത്രത്തിന്റെ നിര്‍മ്മാണം സുജിത് സുരേന്ദ്രനാണ്. സുദീപ് ഇളമണ്‍, ജിംഷി ഖാലിദ്, രവി ചന്ദ്രന്‍, ജിക്കു ജേക്കബ് പീറ്റര്‍ എന്നിവരാണ് ഛായാഗ്രഹണം നിര്‍വ്വഹിച്ചിരിക്കുന്നത്.
എഡിറ്റിംഗ് റഹ്മാന്‍ മുഹമ്മദ് അലി, ലിജോ പോള്‍ എന്നിവര്‍ ചേര്‍ന്ന്. പാട്ടുകള്‍ ശങ്കര്‍ ശര്‍മ്മയും ശരത്തും ചേര്‍ന്ന്. പശ്ചാത്തല സംഗീതം ശങ്കര്‍ ശര്‍മ്മ. സൗണ്ട് ഡിസൈന്‍ രംഗനാഥ് രവി. സംഘട്ടനം ശ്രാവണ്‍ സത്യ, ഷാനില്‍, രവിചന്ദ്രന്‍ എന്നിവര്‍ ചേര്‍ന്ന്. ചീഫ് അസോസിയേറ്റ് ഡയറക്ടേഴ്‌സ് ഷഫീര്‍ ഖാന്‍, സൈഗൗള്‍ എന്നിവര്‍.
