|
ആസിഫ് അലി- താമര് ചിത്രം 'സര്ക്കീട്ടി'ലെ സ്പെഷ്യല് വീഡിയോയുമായി അണിയറ പ്രവര്ത്തകര്. ആസിഫ് അലിയുടെ ജന്മദിനത്തിലാണ് വീഡിയോ പുറത്തിറക്കിയത്. അജിത് വിനായക ഫിലിംസിന്റെ ബാനറില് വിനായക അജിത് നിര്മിക്കുന്ന ചിത്രം 2025 ഏപ്രിലില് ആഗോള റിലീസായെത്തും. അജിത് വിനായക ഫിലിംസ് നിര്മ്മിക്കുന്ന ഈ എട്ടാമത്തെ ചിത്രത്തിന്റെ നിര്മാണത്തില് ഫ്ളോറിന് ഡൊമിനിക്കും പങ്കാളിയാണ്.
കിഷ്കിന്ധാ കാണ്ഡം, രേഖാചിത്രം എന്നിവയുടെ ബ്ലോക്ക്ബസ്റ്റര് വിജയങ്ങള്ക്ക് ശേഷം ആസിഫ് അലി അഭിനയിച്ചു റിലീസിനൊരുങ്ങുന്ന ചിത്രമാണ് 'സര്ക്കീട്ട്'. ആസിഫ് അലിയും ഒരു ബാലതാരവും തമ്മില് ആകാശത്തെ നക്ഷത്രങ്ങളെ നോക്കി സംസാരിക്കുന്ന വളരെ രംഗമാണ് അണിയറ പ്രവര്ത്തകര് പുറത്ത് വിട്ടിരിക്കുന്നത്. 'ആയിരത്തൊന്നു നുണകള്' എന്ന ചിത്രത്തിന് ശേഷം താമര് ഒരുക്കുന്ന സര്ക്കീട്ടില് ദിവ്യ പ്രഭയാണ് നായികാ വേഷം ചെയ്യുന്നത്. താമര് തന്നെയാണ് ചിത്രത്തിന്റെ രചനയും നിര്വഹിച്ചിരിക്കുന്നത്.
പൂര്ണമായും ഗള്ഫ് രാജ്യങ്ങളില് ചിത്രീകരിച്ച 'സര്ക്കീട്ട്', യുഎഇ, ഷാര്ജ, റാസല് ഖൈമ, ഫുജൈറ എന്നിവിടങ്ങളിലായി 40 ദിവസം കൊണ്ടാണ് പൂര്ത്തിയാക്കിയത്. അടുത്തിടെ ത്രില്ലര് ചിത്രങ്ങളിലൂടെ സൂപ്പര് വിജയങ്ങള് സ്വന്തമാക്കിയ ആസിഫ് അലി, സര്ക്കീട്ടിലൂടെ ഒരു ഫീല് ഗുഡ് ഫാമിലി ഡ്രാമയുമായാണ് എത്തുന്നത്.
ആസിഫ് അലി, ദിവ്യ പ്രഭ എന്നിവരെ കൂടാതെ, ദീപക് പറമ്പോള്, ബാലതാരം ഓര്ഹാന്, രമ്യ സുരേഷ്, പ്രശാന്ത് അലക്സാണ്ടര്, സ്വാതിദാസ് പ്രഭു, ഗോപന് അടാട്ട്, സിന്സ് ഷാന് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്ക്ക് ജീവന് പകരുന്നത്. നിരൂപക ശ്രദ്ധ നേടിയ താമറിന്റെ ആദ്യ ചിത്രം നേരിട്ടുള്ള ഒടിടി റിലീസായി സോണി ലിവിലാണ് സ്ട്രീം ചെയ്തത്. അതിനൊപ്പം അന്താരാഷ്ട്ര ചലച്ചിത്രോത്സവമായ ഐഎഫ്എഫ്കെയില് പ്രദര്ശിപ്പിക്കുകയും ചെയ്തിരുന്നു.
ഛായാഗ്രഹണം- അയാസ് ഹസന്, സംഗീതം- ഗോവിന്ദ് വസന്ത, എഡിറ്റര്- സംഗീത് പ്രതാപ്, പ്രൊജക്റ്റ് ഡിസൈനര്- രഞ്ജിത് കരുണാകരന്, കലാസംവിധാനം - വിശ്വനാഥന് അരവിന്ദ്, വസ്ത്രാലങ്കാരം - ഇര്ഷാദ് ചെറുകുന്ന്, മേക്കപ്പ് - സുധി, ലൈന് പ്രൊഡക്ഷന് - റഹിം പിഎംകെ, പോസ്റ്റര് ഡിസൈന്- ആനന്ദ് രാജേന്ദ്രന് (ഇല്ലുമിനാര്ട്ടിസ്റ്റ് ക്രീയേറ്റീവ്സ്), സ്റ്റില്സ്- എസ്ബികെ ഷുഹൈബ്, സിങ്ക് സൗണ്ട്- വൈശാഖ്, പിആര്ഒ- വൈശാഖ് വടക്കേവീട്, ജിനു അനില്കുമാര്. |
