Subscribe : | Download Font | | RSS | | Get News In Email |
 
  1 POUND=85.68 INR  1 EURO=76.52 INR
ukmalayalampathram.com
Tue 17th Oct 2017
 
 
സിനിമ
  Add your Comment comment
ദുല്‍ഖര്‍ സല്‍മാന്റെ സോളോ എന്ന സിനിമ ഒരു ദിവസം പ്രദര്‍ശിപ്പിച്ച് പിന്‍വലിക്കേണ്ടി വരും
reporter
ദുല്‍ഖര്‍ സല്‍മാന്‍ നായകനായ സോളോ' ഇന്ന് തീയേറ്ററുകളിലേക്ക്. മലയാളത്തിലും തമിഴിലുമായി ഒരേസമയം ഒരുക്കിയ ചിത്രത്തിന് കേരളത്തില്‍ റെക്കോര്‍ഡ് റിലീസാണ്. പക്ഷേ, തമിഴ്‌നാട്ടില്‍ സോളോയുടെ റിലീസിന് അവിടുത്തെ നികുതി ഭാരം തിരിച്ചടിയാകും. സിനിമാടിക്കറ്റുകള്‍ക്ക് തമിഴ്‌നാട് സര്‍ക്കാര്‍ ഏര്‍പ്പെടുത്തിയിരിക്കുന്ന 10 ശതമാനം നികുതിയില്‍ പ്രതിഷേധിച്ച് വെള്ളിയാഴ്ച മുതല്‍ പുതിയ തമിഴ് റിലീസുകള്‍ വേണ്ടെന്നാണ് തമിഴ് ഫിലിം പ്രൊഡ്യൂസേഴ്‌സ് കൗണ്‍സിലിന്റെ തീരുമാനം. എന്നാല്‍ 'സോളോ' തമിഴ് പതിപ്പ് മുന്‍നിശ്ചയപ്രകാരം മലയാളം പതിപ്പിനൊപ്പം ഇന്നുതന്നെ റിലീസ് ചെയ്യും. പക്ഷേ ഒരു ദിവസത്തെ പ്രദര്‍ശനത്തിന് ശേഷം തീയേറ്ററുകളില്‍ നിന്ന് നാളെ പിന്‍വലിക്കേണ്ടതായും വരും.
മോഹന്‍ലാല്‍ ചിത്രം 'പുലിമുരുകന്റെ' സ്‌ക്രീന്‍ കൗണ്ട് മറികടന്ന് 225 തീയേറ്ററുകളിലാണ് കേരളത്തില്‍ ചിത്രം പ്രദര്‍ശനത്തിനെത്തിയിരിക്കുന്നത്. ഇന്ത്യയ്ക്ക് പുറത്ത് യുഎഇ43, ഒമാന്‍10, കുവൈറ്റ്3, ബഹ്‌റിന്‍6, ഖത്തര്‍9 എന്നിങ്ങനെയാണ് 'സോളോ' മലയാളം പതിപ്പിന്റെ സ്‌ക്രീന്‍കൗണ്ട്. അതേസമയം ഏറെ പ്രതീക്ഷയോടെ ഒരുക്കിയ തമിഴ് പതിപ്പ് തമിഴ്‌നാട്ടിലെ തീയേറ്റര്‍ സമരത്തെത്തുടര്‍ന്ന് പ്രതിസന്ധിയിലായതിന്റെ ആശങ്കയിലാണ് അണിയറക്കാര്‍.
 
Other News in this category

 
 




 
Close Window