ലണ്ടന്: കംപ്യൂട്ടര് ശൃംഖലയിലെ സാങ്കേതിക തകരാര് മൂലം ഇന്നലെ രാവിലെ ലണ്ടനിലെ സ്റ്റാന്സ്റ്റഡ് വിമാനത്താവളത്തില് ആയിരക്കണക്കിന് യാത്രക്കാര് കുടുങ്ങി. രാവിലെ നാലു മുതല് തുടങ്ങിയ പ്രതിസന്ധി പത്തുമണിയോടെ പരിഹരിച്ചെങ്കിലും ഇതിനിടെ പലര്ക്കും വിമാനങ്ങള് മിസ്സായി. പലരുടെയും യാത്ര മുടങ്ങി. മണിക്കൂറുകള് ചെക്ക്-ഇന് കൗണ്ടറുകള് പ്രവര്ത്തിക്കാതായതോടെ ടെര്മിനലും പരിസരവും യാത്രക്കാരെക്കൊണ്ട് നിറഞ്ഞു. പ്രശ്നം പരിഹരിച്ചതായി അധികൃതര് അറിയിച്ചെങ്കിലും ഉച്ചകഴിഞ്ഞും പല വിമാനങ്ങളും വൈകിയാണ് യാത്ര പുറപ്പെട്ടത്.
ബാഗേജ് ചെക്ക് -ഇന്, സെക്യൂരിറ്റി ക്ലിയറന്സ് വിഭാഗങ്ങളിലെ കംപ്യൂട്ടറുകളാണ് സാങ്കേതിക തകരാര് മൂലം പ്രവര്ത്തിക്കാതായത്. യാത്രക്കാര്ക്ക് ഉണ്ടായ അസൗകര്യങ്ങളില് എയര്പോര്ട്ട് അധികൃതര് ഖേദം പ്രകടിപ്പിച്ചു. റീഷെഡ്യൂളിംങ് ഉള്പ്പെടെയുള്ള കാര്യങ്ങള്ക്ക് യാത്രക്കാര് അവരുടെ എയര്ലൈനുകളുമായി ബന്ധപ്പെടണമെന്നും എയര്പോര്ട്ട് അധികൃതര് വ്യക്തമാക്കി.
