Subscribe : | Download Font | | RSS | | Get News In Email |
 
  1 POUND=0 INR  1 EURO=0 INR
ukmalayalampathram.com
Sat 20th Jan 2018
 
 
വാര്‍ത്തകള്‍
  Add your Comment comment
നാദിര്‍ഷ ആസ്പത്രി വിട്ടു; വീണ്ടും ചോദ്യംചെയ്യാന്‍ പോലീസ് ഡിസ്ചാര്‍ജ് ചെയ്യിച്ചതത്രേ
REPORTER

 കൊച്ചി: നെഞ്ചുവേദനയെതുടര്‍ന്ന് കൊച്ചിയിലെ സ്വകാര്യ ആസ്പത്രിയില്‍ ചികിത്സയിലായിരുന്ന നടനും സംവിധായകനുമായ നാദിര്‍ഷ ഞായറാഴ്ച രാത്രി പത്തോടെ ആസ്പത്രി വിട്ടു. നടി ആക്രമിക്കപ്പെട്ട കേസിന്റെ അന്വേഷണവുമായി ബന്ധപ്പെട്ട് കഴിഞ്ഞ ബുധനാഴ്ച ചോദ്യം ചെയ്യലിന് ഹാജരാകാന്‍ നാദിര്‍ഷയോട് പോലീസ് ആവശ്യപ്പെട്ടിരുന്നു. ഇതിന് പിന്നാലെയാണ് നാദിര്‍ഷ ചികിത്സയ്ക്കായി ആസ്പത്രിയിലെത്തിയത്. ആസ്പത്രി അധികൃതര്‍ ശനിയാഴ്ച ഡിസ്ചാര്‍ജ് ചെയ്‌തെങ്കിലും ആസ്പത്രി വിടാന്‍ അദ്ദേഹം തയ്യാറായിരുന്നില്ല. കേസില്‍ മുന്‍കൂര്‍ജാമ്യാപേക്ഷ പരിഗണിക്കുംവരെ അറസ്റ്റുചെയ്യുന്നത് തടയണമെന്നാവശ്യപ്പെട്ട് നാദിര്‍ഷ നല്‍കിയ ഹര്‍ജി ഹൈക്കോടതി തള്ളിയിരുന്നു. താരത്തിന്റെ മുന്‍കൂര്‍ ജാമ്യാപേക്ഷ 13ന് പരിഗണിക്കാനിരിക്കുകയാണ്.

കേസില്‍ നാദിര്‍ഷയെ ചോദ്യംചെയ്യേണ്ടത് അനിവാര്യമാണെന്ന് അന്വേഷണസംഘം കോടതിയെ അറിയിക്കും. നാദിര്‍ഷയുടെ മുന്‍കൂര്‍ ജാമ്യാപേക്ഷയില്‍ കോടതി പ്രോസിക്യൂഷന്റെ നിലപാട് തേടിയിരുന്നു. ഇത് ജാമ്യഹര്‍ജിയിലെ തീരുമാനത്തില്‍ നിര്‍ണായകമാണ്. ചോദ്യംചെയ്തശേഷമേ അറസ്റ്റുവേണമോയെന്ന് തീരുമാനിക്കാനാകൂവെന്ന് പോലീസ് പറയുന്നു. മുമ്പ് ചോദ്യംചെയ്തപ്പോള്‍ ലഭിച്ച മൊഴികളില്‍ വൈരുധ്യം കണ്ടതിനെത്തുടര്‍ന്നാണിത്. 

കേസിലെ മുഖ്യപ്രതി സുനില്‍കുമാറിനെ (പള്‍സര്‍ സുനി) ഫോണ്‍ചെയ്യാന്‍ സഹായിച്ചതിന് അറസ്റ്റുചെയ്ത് വിട്ടയച്ച കളമശ്ശേരി എ.ആര്‍. ക്യാമ്പിലെ സി.പി.ഒ. അനീഷിനെതിരേ വകുപ്പുതല നടപടിയുണ്ടായേക്കും. വകുപ്പുതല നടപടിയാവശ്യപ്പെട്ട് അന്വേഷണ ഉദ്യോഗസ്ഥര്‍ ഉന്നത ഉദ്യോഗസ്ഥര്‍ക്ക് റിപ്പോര്‍ട്ട് നല്‍കിയിട്ടുണ്ട്. തെളിവുനശിപ്പിച്ചു, പ്രതിയെ സഹായിച്ചു തുടങ്ങിയ കുറ്റങ്ങളാണ് റിപ്പോര്‍ട്ടിലുള്ളത്. ദിലീപിന് ശബ്ദസന്ദേശം അയക്കാന്‍ സുനിക്ക് ഫോണ്‍ നല്‍കിയെന്നതാണ് അനീഷിനെതിരായ കുറ്റം.

 
Other News in this category

 
 




 
Close Window