|
ബില്കിസ് ബാനു കേസില് ഗുജറാത്ത് സര്ക്കാരിന് തിരിച്ചടി. പ്രതികളെ വിട്ടയച്ച ഗുജറാത്ത് സര്ക്കാര് തീരുമാനം സുപ്രീംകോടതി റദ്ദാക്കി. പ്രതികളെ വിട്ടയക്കാന് ഗുജറാത്ത് സര്ക്കാരിന് അധികാരമില്ലെന്നും സുപ്രീംകോടതി വ്യക്തമാക്കി.
കൂട്ടബലാത്സംഗ കേസിലെ കുറ്റവാളികള്ക്ക് ശിക്ഷാ ഇളവ് നല്കിയതിനെതിരായ ഹര്ജികള് നിലനില്ക്കുന്നതാണെന്ന് സുപ്രീം കോടതി പറഞ്ഞു. വിചരണ നടന്ന സ്ഥലം മഹാരാഷ്ട്ര ആയതിനാല് ഇളവ് നല്കാന് അധികാരം മഹാരാഷ്ട്ര സര്ക്കാരിനെന്നും സുപ്രീം കോടതി വ്യക്തമാക്കി. ജസ്റ്റിസുമാരായ ബി വി നാഗരത്ന, ഉജ്ജല് ഭൂയാന് എന്നിവരടങ്ങിയ ബെഞ്ചിന്റേതാണ് വിധി.
പരസ്യം ചെയ്യല്
തടവ് പുള്ളികള്ക്ക് ശിക്ഷാ ഇളവ് അനുവദിക്കുന്ന 1992-ലെ നയത്തിന്റെ അടിസ്ഥാനത്തില് കേസിലെ 11 കുറ്റവാളികള്ക്ക് ശിക്ഷാ ഇളവ് നല്കിയ ഗുജറാത്ത് സര്ക്കാരിന്റെ തീരുമാനത്തിനെതിരെ ബില്കിസ് ബാനുവും സി.പി.എം നേതാവ് സുഭാഷിണി അലി, ടി.എം.സി നേതാവ് മഹുവ മൊയ്ത്ര തുടങ്ങിയവരും സമര്പ്പിച്ച വിവിധ ഹര്ജികളിലാണ് കോടതി വിധി പ്രസ്താവിച്ചത്. |
