|
കര്ദിനാള് മാര് ജോര്ജ് ആലഞ്ചേരി സ്ഥാനമൊഴിഞ്ഞതിനെത്തുടര്ന്നാണിത്. ഇതുമായി ബന്ധപ്പെട്ട് വത്തിക്കാനിലും സിറോ മലബാര് സഭാ ആസ്ഥാനമായ കാക്കനാട് സെന്റ് തോമസ് മൗണ്ടിലും ഒരേ സമയം പ്രഖ്യാപനം നടന്നു.
കാക്കനാട് സെന്റ് തോമസ് മൗണ്ടില് നടന്ന സിനഡ് യോഗത്തിലാണ് പുതിയ മേജര് ആര്ച്ച് ബിഷപ്പിനെ തിരഞ്ഞെടുത്തത്. രഹസ്യ ബാലറ്റിലൂടെ നടത്തിയ വോട്ടെടുപ്പിനൊടുവില് പുതിയ മേജര് ആര്ച്ച് ബിഷപ്പിന്റെ പേര് വത്തിക്കാന്റെ അനുമതിക്കായി സമര്പ്പിച്ചിരുന്നു.
പരസ്യം ചെയ്യല്
മാര്പാപ്പ അനുമതി നല്കിയതോടെയാണ് ഔദ്യോഗിക പ്രഖ്യാപനം നടത്തിയത്. മേജര് ആര്ച്ച് ബിഷപ്പിനെ പ്രഖ്യാപിച്ചതോടെ സിനഡ് സമ്മേളനം അവസാനിച്ചു. മേജര് ആര്ച്ച് ബിഷപ്പിനെ തിരഞ്ഞെടുക്കല് മാത്രമാണ് സിനഡിന്റെ അജന്ഡയെന്നു സിറോ മലബാര് സഭ അഡ്മിനിസ്ട്രേറ്റര് മാര് സെബാസ്റ്റ്യന് വാണിയപ്പുരയ്ക്കല് അറിയിച്ചിരുന്നു.
മേജര് ആര്ച്ച് ബിഷപ് ആയിരുന്ന മാര് ആന്റണി പടിയറയെയും മാര് വര്ക്കി വിതയത്തിലിനെയും മാര്പാപ്പ നിയമിച്ചതാണ്. എന്നാല് മാര് ജോര്ജ് ആലഞ്ചേരിയെ സിനഡ് തിരഞ്ഞെടുക്കുകയായിരുന്നു. |
