|
ലോക്സഭ തെരഞ്ഞെടുപ്പിനുള്ള സിപിഎം സ്ഥാനാര്ഥികളെ തീരുമാനിച്ചു. വടകരയില് മുന് ആരോഗ് മന്ത്രി കെ.കെ.ശൈലജ മത്സരിക്കും. ആലത്തൂരില് ദേവസ്വം മന്ത്രി കെ.രാധാകൃഷ്ണന് ആകും മത്സരിക്കുക. ചാലക്കുടിയില് മുന് വിദ്യാഭ്യാസ മന്ത്രി സി.രവീന്ദ്രനാഥ്, പൊന്നാനിയില് മുന് ലീഗ് നേതാവ് കെ.എസ്.ഹംസ, എറണാകുളത്ത് കെഎസ്ടിഎ നേതാവ് കെ.ജെ.ഷൈന് എന്നിവര് മത്സരിക്കും. തിരുവനന്തപുരം, കണ്ണൂര്, കാസര്കോട് മണ്ഡലങ്ങളില് ജില്ലാ സെക്രട്ടറിമാരെ മത്സരരംഗത്തിറക്കാനാണ് തീരുമാനം.
ജില്ലാ കമ്മിറ്റികളില്നിന്നുള്ള ശുപാര്ശകള് കൂടി പരിഗണിച്ച് സംസ്ഥാന കമ്മിറ്റിയാണ് തീരുമാനമെടുത്തത്. സ്ഥാനാര്ഥി പട്ടിക ചര്ച്ച ചെയ്യാന് രാവിലെ സംസ്ഥാന സെക്രട്ടേറിയറ്റും ചേര്ന്നിരുന്നു. കേന്ദ്ര നേതൃത്വം ചര്ച്ച ചെയ്തശേഷം സ്ഥാനാര്ഥികളെ ഔദ്യോഗികമായി പ്രഖ്യാപിക്കും. |
