പശ്ചിമ ബംഗാള്‍ മുഖ്യമന്ത്രിയും തൃണമൂല്‍ കോണ്‍ഗ്രസ് അദ്ധ്യക്ഷയുമായ മമത ബാനര്‍ജി ആശൂപത്രിയില്‍. നെറ്റിയുടെ ഒത്തനടുക്കായി ഒരു വലിയ മുറിവും അതില്‍ നിന്ന് രക്തം ഒലിക്കുന്ന നിലയില്‍ മമതയും ഉള്‍പ്പെടുന്ന ചിത്രമാണ് പാര്‍ട്ടി ഔദ്യോഗിക എക്സ് പേജില്‍ പങ്കുവച്ചിരിക്കുന്നത്. ഇതോടെയാണ് അപകട വിവരം പുറത്തുവരുന്നത്.
ട്രെഡ്മിലില്‍ നിന്ന് അപകടം പറ്റിയത് എന്നാണ് പുറത്ത് വരുന്ന റിപ്പോര്‍ട്ടുകള്‍. പരിക്ക് ഗുരുതരമാണെന്നും എല്ലാവരും പ്രാര്‍ത്ഥിക്കണമെന്നും മമതയുടെ ആശുപത്രി ചിത്രങ്ങള്‍ ഉള്‍പ്പെടെ പങ്കുവച്ച് തൃണമൂല്‍ കോണ്‍ഗ്രസ് അഭ്യര്‍ത്ഥിച്ചു. ഇതോടെ ആശൂപത്രിയിലേക്ക് മന്ത്രിമാരുടെയും നേതാക്കളുടെയും ഒഴുക്കാണ്.