ബ്രാഡ്ഫോര്ഡ്: ബ്രിട്ടനിലെ ഇന്ത്യന് രുചിയുടെ പര്യായമായ അക്ബര് റസ്റ്ററന്റിന്റെ സ്ഥാപകന്, ഷബീര് ഹുസൈന് അന്തരിച്ചു. 56-ാം വയസ്സില് കാന്സര് രോഗത്തെ തുടര്ന്നാണ് അന്ത്യം. 1995-ല് ബ്രാഡ്ഫോര്ഡ് സിറ്റി സെന്ററില് ഒരു ചെറിയ റസ്റ്ററന്റായി തുടങ്ങിയ അക്ബര്, ഷബീര് ഹുസൈന്റെ കൈപ്പുണ്യത്തിലൂടെ ലോകമെമ്പാടുമുള്ള ഭക്ഷണപ്രിയരുടെ ഹൃദയം കീഴടക്കി. ഒരു ചെറിയ സ്വപ്നത്തില് നിന്ന് ആരംഭിച്ച് വലിയ സാമ്രാജ്യമായി മാറിയ അക്ബര് റസ്റ്ററന്റ്, ഇന്ന് ലോകമെമ്പാടുമുള്ള മലയാളികള്ക്കും ഇന്ത്യക്കാര്ക്കും വീട്ടിലെ രുചി സമ്മാനിക്കുന്ന ഇടമാണ്.
ഷബീര് ഹുസൈന് എന്ന പേര് കേള്ക്കുമ്പോള് നമ്മുടെ മനസ്സില് ഉദിക്കുന്നത് ഒരു രുചി പെരുമയുടെ ഓര്മകളാണ്. കറികളുടെ രാജാവ് എന്ന പേരില് അറിയപ്പെട്ട അദ്ദേഹം, ഓരോ വിഭവത്തിലും തന്റെ സ്നേഹവും കരുതലും നിറച്ചു. അദ്ദേഹത്തിന്റെ ഓരോ വിഭവവും ഒരു കഥ പറഞ്ഞു, മനോഹരമായ ഓര്മ സൃഷ്ടിച്ചു. അക്ബര് റസ്റ്ററന്റിന്റെ ഫേസ്ബുക്ക് പേജിലാണ് ഷബീര് ഹുസൈന്റെ മരണ വിവരം പ്രസിദ്ധീകരിച്ചത്. ഷബീര് ഹുസൈന്റെ വിയോഗത്തില് അനുശോചിച്ച് നിരവധി പേര് സമൂഹ മാധ്യമങ്ങളില് ആദരാഞ്ജലികള് അര്പ്പിച്ചു. ഇന്ന് അക്ബര് റസ്റ്ററന്റിന്റെ എല്ലാ ശാഖകളും അടച്ചിടും എന്നും വെള്ളിയാഴ്ച മുതല് വീണ്ടും തുറക്കുമെന്നും അധികൃതര് അറിയിച്ചു.