തിരുവനന്തപുരം: സര്ക്കാരുമായുള്ള ഏറ്റുമുട്ടല് തുടരുന്നതിനിടെ ജിഎസ് ടി നിയമഭേദഗതി ഓര്ഡിനന്സിന് ഗവര്ണര് അംഗീകാരം നല്കി. രാവിലെ മുംബൈയ്ക്ക് പോകും മുമ്പാണ് ഓര്ഡിനന്സില് ഗവര്ണര് ആരിഫ് മുഹമ്മദ് ഖാന് ഒപ്പു വെച്ചത്.ഒരാഴ്ച മുമ്പാണ് ഓര്ഡിനന്സ് സര്ക്കാര് അനുമതി തേടി രാജ്ഭവന് കൈമാറിയത്. അതേസമയം, ലോകയുക്ത ബില്, സര്വ്വകലാശാല നിയമ ഭേദഗതി ബില്, സഹകരണ നിയമ ഭേദഗതി ബില് തുടങ്ങി വിവാദമായ ബില്ലുകള് ഒപ്പിടാതെ ഗവര്ണര് രാഷ്ട്രപതിക്ക് അയച്ചിരിക്കുകയാണ്. ഈ ബില്ലുകളില് തീരുമാനം വൈകിപ്പിക്കുന്നതിനെതിരെ സര്ക്കാര് സുപ്രീംകോടതിയെ സമീപിച്ചിരിക്കുകയാണ്. ബില്ലുകളില് തീരുമാനം വൈകിപ്പിക്കുന്ന ഗവര്ണര് കേരളത്തിലെ ജനങ്ങളോടും, നിയമസഭയോടും കടുത്ത അനീതിയാണ് കാണിക്കുന്നതെന്ന് സംസ്ഥാന സര്ക്കാര് സുപ്രീംകോടതിയില് ഫയല് ചെയ്ത പ്രത്യേക അനുമതി ഹര്ജിയില് പറയുന്നു.