|
നടി ഹണി റോസ് നല്കിയ പരാതിയില് മുന്കൂര് ജാമ്യം തേടിയ രാഹുല് ഈശ്വറിന് തിരിച്ചടി. അറസ്റ്റ് തടയണമെന്ന രാഹുല് ഈശ്വറിന്റെ ആവശ്യം ഹൈക്കോടതി അംഗീകരിച്ചില്ല. മുന്കൂര് ജാമ്യാപേക്ഷയില് പൊലീസിന്റെ നിലപാട് അറിയിക്കാനും കോടതി ആവശ്യപ്പെട്ടു. രാഹുല് ഈശ്വര് ഓണ്ലൈനായി സമര്പ്പിച്ച ഹര്ജി ഫയലില് സ്വീകരിച്ച ഹൈക്കോടതി ഈ മാസം 27ന് പരിഗണിക്കുന്നതിനായി മാറ്റിവെച്ചു.
എറണാകുളം സെന്ട്രല് പൊലീസ് സ്റ്റേഷനിലാണ് ഹണി റോസ് പരാതി നല്കിയത്. നിലവില് കേസെടുത്തിട്ടില്ലെന്ന് രാഹുലിന്റെ അഭിഭാഷകന് കോടതിയെ അറിയിച്ചു. പരാതിയില് കേസെടുത്തശേഷമുള്ള അറസ്റ്റ് മുന്നില് കണ്ടാണ് ഹര്ജി നല്കിയതെന്നും അഭിഭാഷകന് അറിയിച്ചു. തുടര്ന്നാണ് കോടതി ഹര്ജി ഫയലില് സ്വീകരിച്ചത്. |
