ലണ്ടന്‍: ഇന്ത്യയില്‍ 100 രൂപ കൈയില്‍ എടുത്ത് കടയില്‍ പോയാല്‍ പല അത്യാവശ്യ സാധനങ്ങളും വാങ്ങാനാകും. എന്നാല്‍ യുകെയില്‍ അത്ര എളുപ്പമല്ല. ഇതു തെളിയിക്കുന്നതിനായി ഒരു ഇന്ത്യക്കാരി നടത്തിയ പരീക്ഷണം സോഷ്യല്‍ മീഡിയയില്‍ ശ്രദ്ധ നേടുകയാണ്. @veggiwander എന്ന ട്രാവല്‍ ക്രിയേറ്റര്‍ ലണ്ടനിലെ ഒരു സാധാരണ ഗ്രോസറി ഷോപ്പില്‍ ചെന്നു 100 രൂപ (ഏകദേശം 1 പൗണ്ട്) ബജറ്റില്‍ എന്തൊക്കെ വാങ്ങാനാകുമെന്ന് പരിശോധിച്ചു.

ആദ്യം അവര്‍ തിരഞ്ഞെടുത്തത് ഒരു ചീസ് ആന്‍ഡ് ഒണിയന്‍ സാന്‍ഡ്വിച്ചാണ്. എന്നാല്‍ വില 1.50 പൗണ്ട് (ഏകദേശം 190 രൂപ) ആയതിനാല്‍ ബജറ്റിന് മീതെയായി. തുടര്‍ന്ന് 500 മില്ലി കുടിവെള്ള കുപ്പി നോക്കിയപ്പോള്‍ 1.15 പൗണ്ട് (ഏകദേശം 145 രൂപ) വിലയായിരുന്നു. പിന്നീട് 0.89 പൗണ്ട് (ഏകദേശം 113 രൂപ) വില വരുന്ന ഒരു കാബേജ് കണ്ടു. അത് പോലും ബജറ്റിന് മീതെയായിരുന്നു. ഓറിയോ ബിസ്‌കറ്റ് പാക്കറ്റിന്റെ വില 1.65 പൗണ്ട് (ഏകദേശം 209 രൂപ). അവസാനം 0.60 പൗണ്ട് (ഏകദേശം 75 രൂപ) വില വരുന്ന ചെറിയ കാരറ്റ് പാക്കറ്റാണ് ബജറ്റിനുള്ളില്‍ കിട്ടിയത്.