|
ബിജെപി നേതാവ് പി സി ജോര്ജിന്റെ മുന്കൂര് ജാമ്യാപേക്ഷ പരിഗണിക്കവെയായിരുന്നു ജസ്റ്റിസ് പി.വി.കുഞ്ഞികൃഷ്ണന്റെ ബെഞ്ചിന്റെ വാക്കാല് പരാമര്ശം. മതവിദ്വേഷ പരാമര്ശ കുറ്റത്തിനുള്ള ശിക്ഷ വര്ദ്ധിപ്പിക്കണം.
നിലവില് പരമാവധി 3 വര്ഷം വരെ തടവ് മാത്രമാണ് ശിക്ഷ. പുതിയ ക്രിമിനല് നിയമത്തിലും ശിക്ഷ വര്ദ്ധിപ്പിച്ചിട്ടില്ല. കുറ്റകൃത്യത്തിനുള്ള ശിക്ഷ വര്ദ്ധിപ്പിക്കാന് കേന്ദ്ര സര്ക്കാര് തീരുമാനമെടുക്കണം. മതവിദ്വേഷ പരാമര്ശ കുറ്റത്തിന് പിഴയടച്ച് രക്ഷപെടാന് അവസരമുണ്ട്. എന്നാല് ഈ കുറ്റത്തിന് നിര്ബന്ധമായും ജയില് ശിക്ഷ ഉറപ്പുവരുത്തണമെന്നും ഇതൊരു മതേതര രാജ്യമാണെന്നും ഹൈക്കോടതി സിംഗിള് ബെഞ്ച് വ്യക്തമാക്കി. |
