|
മുന് കേന്ദ്രമന്ത്രി രാജീവ് ചന്ദ്രശേഖര് ബിജെപി സംസ്ഥാന അധ്യക്ഷനാകും. ദേശീയ നേതാക്കളായ പ്രകാശ് ജാവദേക്കറും അപരാജിത സാരംഗിയും രാജീവ് ചന്ദ്രശേഖറുമായി ചര്ച്ച പൂര്ത്തിയാക്കി. ഇനി കോര് കമ്മിറ്റി യോഗത്തില് രാജീവ് ചന്ദ്രശേഖറിന്റെ പേര് അവതരിപ്പിക്കും. തിരുവനന്തപുരത്ത് ഹോട്ടല് ഹൈസിന്തില് ആണ് യോഗം.
ബിജെപിയുടെ ദേശീയ വക്താവായും എന്ഡി എയുടെ കേരള ഘടകം വൈസ് ചെയര്മാനായും പ്രവര്ത്തിച്ച വ്യക്തിയാണ് രാജീവ് ചന്ദ്രശേഖര്.നൈപുണ്യവികസന സംരംഭകത്വം, ഇലക്ട്രോണിക്സ് ആന്റ് ഇന്ഫര്മേഷന് ടെക്നോളജി വകുപ്പുകളുടെ സഹമന്ത്രിയായി പ്രവര്ത്തിച്ചു. 2016 മുതല് 2018 വരെ കര്ണ്ണാടകയെ പ്രതിനിധീകരിച്ച് സ്വതന്ത്ര രാജ്യസഭാംഗമായിരുന്നു. 2018ലാണ് ബിജെപിയില് ചേര്ന്നത്. |
