|
നിലമ്പൂര് ഉപതിരഞ്ഞെടുപ്പില് ആര്യാടന് ഷൗക്കത്ത് യുഡിഎഫ് സ്ഥാനാര്ഥിയാകും. എഐസിസി ഔദ്യോഗികമായി പ്രഖ്യാപിച്ചു. കെ സി വേണുഗോപാല് ഒപ്പിട്ട കുറിപ്പ് പുറത്തിറങ്ങി. 34 വര്ഷം ആര്യാടന് മുഹമ്മദ് കോട്ടയായി നിലനിര്ത്തിയ മണ്ഡലം തിരിച്ചുപിടിക്കാന് ഈ ഉപതിരഞ്ഞെടുപ്പില് യുഡിഎഫ് കളത്തിലിറക്കുന്നത് ആര്യാടന്റെ മകനെ തന്നെയാണ്.
നിലമ്പൂരില് നടക്കുന്ന നിയമസഭാ തിരഞ്ഞെടുപ്പില് ആര്യാടന് ഷൗക്കത്തിന് ഇത് രണ്ടാമൂഴമാണ്. 2016ലായിരുന്നു ആദ്യമത്സരം. നിലവില് കെപിസിസി ജനറല് സെക്രട്ടറിയായ ആര്യടന് ഷൗക്കത്ത് രാഷ്ട്രീയത്തിനൊപ്പം സിനിമ, സാംസ്കാരിക രംഗങ്ങളിലും തന്റേതായ ഇടം കണ്ടെത്തി. നിലമ്പൂര് നഗരസഭയായി മാറിയപ്പോള് പ്രഥമ ചെയര്മാനുമായിരുന്നു അദ്ദേഹം. |
