ശനിയാഴ്ച വൈകുന്നേരം നാലു മണിയോടെ തുടങ്ങിയ പരിപാടികള് രാത്രി 12 വരെ നീണ്ടു നിന്നു. പൊതു സമ്മേളനവും അവാര്ഡ് ദാനവും വിവിധ കലാ പരിപാടികളും ജന സാന്നിധ്യം കൊണ്ട് ശ്രദ്ധ നേടി. ഹെറിഫോഡ് മേയര്, എന്എച്ച്എസ് ട്രസ്റ്റ് മേധാവി തുടങ്ങിയ വിശിഷ്ട വ്യക്തിത്വങ്ങള് പങ്കെടുത്ത പരിപാടി ഹെറിഫോഡിന്റെ ചരിത്രത്തില് ഒരു നാഴിക കല്ലായി മാറി.
വിശിഷ്ടാതിഥികളെ ഹേമ പ്രസിഡന്റ് സാജന് ജോസഫിന്റെ നേതൃത്വത്തില് ചെണ്ട മേളത്തിന്റെയും താല പൊലിയുടെയും അകമ്പടിയോടെ സ്വീകരിച്ചു. ഗാനമേള, ഡാന്സ്, കോമഡി ഷോ, ഡിജെ, ഏര്ളി ബേഡ്, ലേലം അങ്ങിനെ വിവിധങ്ങളായ പരിപാടികളും മാജിക് മസാല ടീം ഒരുക്കിയ സ്വദിഷ്ടമായ ഭക്ഷണവും ഉണ്ടായിരുന്നു. സിതാരയും, ആന്സ്റ്റിനും ചേര്ന്ന് അവതാരകര് ആയിരുന്നു. ഹേമ എക്സിക്യുട്ടീവ് അംഗം ജെയ്സണ് ആറ്റുവാ പ്രോഗ്രം കോ ഓര്ഡിനേറ്ററായി പ്രവര്ത്തിച്ചു. പങ്കെടുത്ത എല്ലാവര്ക്കും ഹേമ എക്സിക്യുട്ടീവ് കമ്മറ്റി നന്ദി രേഖപ്പെടുത്തി. |