സൂപ്പര്‍ ഗുഡ് ഫിലിംസിന്റെ 98-ാമത് ചിത്രമായ 'മാരീസന്‍' ജൂലൈ 25-ന് ലോകമാകെയുള്ള തിയേറ്ററുകളില്‍ പ്രദര്‍ശനത്തിന് എത്തുമെന്ന് പ്രഖ്യാപനം. വടിവേലുവിനെയും ഫഹദ് ഫാസിലിനെയും പ്രധാന കഥാപാത്രങ്ങളായി അവതരിപ്പിക്കുന്ന സിനിമയാണിത്.
ചിത്രത്തില്‍ നിന്നുള്ള ഒരു പ്രത്യേക സ്റ്റില്‍ പുറത്ത് വിട്ടതോടെയാണ് ഈ വലിയ പ്രഖ്യാപനം ഉണ്ടായത്. ഇത് ആരാധകരിലും സിനിമാപ്രേമികളിലും പുതിയ ആവേശം സൃഷ്ടിച്ചിട്ടുണ്ട്.
സുധീഷ് ശങ്കര്‍ സംവിധാനം ചെയ്യുന്ന 'മാരീസന്‍' ഒരു ഗ്രാമീണ പശ്ചാത്തലത്തിലുള്ള ട്രാവലിങ് ത്രില്ലര്‍ ചിത്രമാണ്. കഥ, തിരക്കഥ, സംഭാഷണം എന്നിവ വി. കൃഷ്ണമൂര്‍ത്തി എഴുതുന്നു. ചിത്രത്തിന്റെ ക്രിയേറ്റീവ് ഡയറക്ടറും വി. കൃഷ്ണമൂര്‍ത്തി തന്നെയാണ്.
കോവൈ സരള, വിവേക് പ്രസന്ന, സിതാര, പി.എല്‍. തേനപ്പന്‍, ലിവിംഗ്സ്റ്റണ്‍, റെണുക, ശരവണ സുബ്ബയ്യ, കൃഷ്ണ, ഹരിത, ടെലിഫോണ്‍ രാജ് തുടങ്ങിയവരും പ്രധാന അഭിനേതാക്കളാണ്. കലൈസെല്‍വന്‍ ശിവജി ഛായാഗ്രഹണം നിര്‍വഹിച്ചിരിക്കുന്നു.
ആര്‍.ബി. ചൗധരിയുടെ സൂപ്പര്‍ ഗുഡ് ഫിലിംസിന്റെ ബാനറിന്റെ 98-ാമത് ചിത്രം ഏറെ ഗൗരവമുള്ള സംരംഭമാണെന്ന നിലയിലാണ് അണിയറപ്രവര്‍ത്തകര്‍. E4 എക്‌സ്‌പെരിമെന്റ്‌സ് ക്രിയേറ്റീവ് പ്രൊഡ്യൂസര്‍മാരായി സഹകരിക്കുന്നു.
'മാരീസന്‍' എന്ന ചിത്രത്തിന്റെ ആഗോള തിയേറ്റര്‍ റിലീസ് റൈറ്റ്‌സ് A P ഇന്റര്‍നാഷണല്‍ സ്വന്തമാക്കിയിട്ടുണ്ട്.
ഇതിനകം പുറത്തിറങ്ങിയ ടീസര്‍ ഇതിനകം തന്നെ 40 ലക്ഷം കാഴ്ചക്കാരെ ആകര്‍ഷിച്ച് വലിയ സൂപ്പര്‍ ഹിറ്റായി മാറിയിട്ടുണ്ട്.
'മാമന്നന്‍' എന്ന ചിത്രത്തില്‍ നല്‍കിയ ശക്തമായ പ്രകടനത്തിന് ശേഷം വടിവേലുവും ഫഹദ് ഫാസിലും വീണ്ടും ഒന്നിച്ചെത്തുന്നത് 'മാരീസന്‍' എന്ന ചിത്രത്തിലൂടെയാണ്. തങ്ങളുടെ കരിയറില്‍ വ്യത്യസ്തമായ ഗ്രാമീണ ത്രില്ലര്‍ പശ്ചാത്തലത്തിലൂടെ ഇരുവരുടെയും കോമ്പിനേഷന്‍ വീണ്ടും കാണാന്‍ കഴിയുക എന്നതില്‍ തന്നെ സിനിമാക്കാഴ്ചകളില്‍ വലിയ പ്രതീക്ഷയുണ്ട്. പി.ആര്‍.ഒ.- എ.എസ്. ദിനേശ്.