പ്രണവ് മോഹന്ലാല് അഭിനയിക്കുന്ന 'ഡീയസ് ഈറേ'യുടെ ടീസര് ഇറങ്ങി
Text By: UK Malayalam Pathram
സംവിധായകന് രാഹുല് സദാശിവന് തന്നെ തിരക്കഥ രചിച്ച ഹൊറര് ത്രില്ലര് ചിത്രം നിര്മിക്കുന്നത് ചക്രവര്ത്തി രാമചന്ദ്ര, എസ് ശശികാന്ത് എന്നിവര് ചേര്ന്നാണ്.
Watch Video:
വലിയ പ്രേക്ഷക- നിരൂപക പ്രശംസ നേടിയ 'ഭ്രമയുഗം' എന്ന ചിത്രത്തിന്റെ വിജയത്തിന് ശേഷം, രാഹുല് സദാശിവന്- നൈറ്റ് ഷിഫ്റ്റ് സ്റ്റുഡിയോസ് ടീം ഒന്നിക്കുന്ന ചിത്രമാണ് 'ഡീയസ് ഈറേ'. വൈ നോട്ട് സ്റ്റുഡിയോസും നിര്മാണ പങ്കാളിത്തം വഹിക്കുന്നു.
'ക്രോധത്തിന്റെ ദിനം' എന്ന അര്ഥം വരുന്ന 'ദ ഡേ ഓഫ് റാത്ത്' എന്നതാണ് ചിത്രത്തിന്റെ ടൈറ്റില് ടാഗ് ലൈന്. ആദ്യാവസാനം മികച്ച ഹൊറര് അനുഭവം സമ്മാനിക്കുന്ന, വലിയ സാങ്കേതിക നിലവാരത്തില് ഒരുക്കുന്ന ചിത്രമാണ് ഇതെന്ന പ്രതീതിയാണ് ടീസര് സമ്മാനിക്കുന്നത്. മികച്ച ദൃശ്യങ്ങളും പശ്ചാത്തല സംഗീതവും ടീസറിന്റെ ഹൈലൈറ്റ് ആയി മാറിയിട്ടുണ്ട്.
