'ഇന്നസെന്റ് ' എന്ന സിനിമയുടെ ചിരിയൊളിപ്പിച്ച ഒഫീഷ്യല് ട്രെയ്ലര് പുറത്തിറങ്ങി
Text By: UK Malayalam Pathram
അല്ത്താഫ് സലീമും അനാര്ക്കലി മരയ്ക്കാറും വീണ്ടും ഒന്നിക്കുന്ന 'ഇന്നസെന്റ് ' എന്ന സിനിമയുടെ ചിരിയൊളിപ്പിച്ച ഒഫീഷ്യല് ട്രെയ്ലര് പുറത്തിറങ്ങി. സര്ക്കാര് ഓഫീസിലെ നൂലാമാലകളും മറ്റുമൊക്കെയായി പ്രായഭേദമെന്യേ ചിരിച്ചാഘോഷിച്ച് കാണാന് പറ്റുന്ന ചിത്രമെന്നാണ് അണിയറപ്രവര്ത്തകര് ട്രെയ്ലര് വീഡിയോയിലൂടെ പറയാന് ശ്രമിക്കുന്നത്.
Watch Trailer: -
ഇന്ന് തിയേറ്ററുകളിലെത്തിയ ഓണച്ചിത്രങ്ങളോടൊപ്പം ട്രെയ്ലര് തിയേറ്ററുകളില് പ്രദര്ശിപ്പിച്ചിരുന്നു. അതിന് പിന്നാലെ സോഷ്യല് മീഡിയയിലും ട്രെയ്ലര് പുറത്തിറക്കി. ഒക്ടോബറിലാണ് സിനിമയുടെ വേള്ഡ് വൈഡ് റിലീസ്.
സോഷ്യല് മീഡിയ താരമായ ടാന്സാനിയന് സ്വദേശി കിലി പോള് ആദ്യമായി അഭിനയിക്കുന്ന മലയാള സിനിമയും കൂടിയായാണ് 'ഇന്നസെന്റ്' എത്തുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്ററും സെക്കന്ഡ് ലുക്ക് പോസ്റ്ററും മുമ്പ് ശ്രദ്ധ നേടിയിരുന്നതാണ്. ചിത്രം ഒരു ടോട്ടല് ഫണ് റൈഡ് ആണെന്നാണ് ട്രെയ്ലര് നല്കുന്ന സൂചന. ജോമോന് ജ്യോതിര്, അസീസ് നെടുമങ്ങാട്, മിഥുന്, നോബി, അന്ന പ്രസാദ്, ലക്ഷ്മി സഞ്ജു, വിനീത് തട്ടില്, അശ്വിന് വിജയന്, ഉണ്ണി ലാലു തുടങ്ങി നിരവധി താരങ്ങളാണ് ചിത്രത്തില് ഒരുമിക്കുന്നത്.
എലമെന്റ്സ് ഓഫ് സിനിമയുടെ ബാനറില് എം. ശ്രീരാജ് എ.കെ.ഡി. നിര്മ്മിക്കുന്ന സിനിമ സംവിധാനം ചെയ്യുന്നത് സതീഷ് തന്വിയാണ്. പ്രമുഖ താരങ്ങള്ക്കൊപ്പം സിനിമയില് പ്രവര്ത്തിച്ചുകൊണ്ട് തന്നെ സിനിമ പഠിക്കുവാനുള്ള അവസരം വിദ്യാര്ത്ഥികള്ക്ക് നല്കുന്ന ഇന്സ്റ്റിറ്റ്യൂട്ടായ 'എലമെന്റ്സ് ഓഫ് സിനിമ'യുടെ ആദ്യ നിര്മ്മാണ സംരംഭം കൂടിയാണ് ഈ ചിത്രം എന്ന പ്രത്യേകതയുമുണ്ട്.
ജി. മാര്ത്താണ്ഡന്, അജയ് വാസുദേവ്, ഡിക്സണ് പൊടുത്താസ്, നജുമുദ്ദീന് എന്നിവരാണ് എക്സിക്യൂട്ടീവ് പ്രൊഡ്യൂസര്മാര്. ഷിഹാബ് കരുനാഗപ്പിള്ളിയുടെ കഥയ്ക്ക് ഷിഹാബും സര്ജി വിജയനും സതീഷ് തന്വിയും ചേര്ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. പൂര്ണ്ണമായും കോമഡി ജോണറിലുള്ളതാണ് ചിത്രം.
ഛായാഗ്രഹണം: നിഖില് എസ്. പ്രവീണ്, എഡിറ്റര്: റിയാസ് കെ. ബദര്, സംഗീതം: ജയ് സ്റ്റെല്ലാര്, ഗാനരചന: വിനായക് ശശികുമാര്, കോസ്റ്റ്യൂം: ഡോണ മറിയം ജോസഫ്, മേക്കപ്പ്: സുധി സുരേന്ദ്രന്, ആര്ട്ട്: മധു രാഘവന്, ചീഫ് അസോസിയേറ്റ്: സുമിലാല് സുബ്രഹ്മണ്യന്, അനന്തു പ്രകാശന്, പ്രൊഡക്ഷന് കണ്ട്രോളര്: സുരേഷ് മിത്രക്കരി, ചീഫ് അസോസിയേറ്റ് ക്യാമറമാന്: തന്സിന് ബഷീര്, പബ്ലിസിറ്റി ഡിസൈന്: യെല്ലോടൂത്ത്സ്, വിതരണം: സെഞ്ച്വറി ഫിലിംസ്, പി.ആര്.ഒ.: ആതിര ദില്ജിത്ത്.
