Subscribe : | Download Font | | RSS | | Get News In Email |
 
  1 POUND=83.09 INR  1 EURO=70.12 INR
ukmalayalampathram.com
Mon 01st May 2017
 
 
ആരോഗ്യം
  Add your Comment comment
മുടി കൊഴിഞ്ഞു തുടങ്ങുമ്പോള്‍ പലതരം ആരോഗ്യ പ്രശ്‌നങ്ങള്‍ ആരംഭിക്കുന്നു: തിരിച്ചറിയുക
reporter
ലക്ഷക്കണക്കിനു മുടികളുടെ ഇടയില്‍ ഈ നഷ്ടം നമുക്കു തിരിച്ചറിയാനാവില്ല. പ്രായമേറുന്നതിനനുസരിച്ചു മുടി നേര്‍ത്തുവരുന്നതും വളരെ സാധാരണമാണ്. പുരുഷന്‍മാരില്‍ മുടികൊഴിച്ചില്‍ ചിലപ്പോള്‍ കഷണ്ടിയായി മാറാറുണ്ട്. സ്ത്രീകളിലും അപൂര്‍വമായി ഇതു കണ്ടുവരാറുണ്ട്.

മുടികൊഴിച്ചിലിന്റെ കാരണങ്ങള്‍ എന്തെല്ലാമെന്നു നോക്കാം. കഷണ്ടിക്കു കാരണമാകുന്നത് പ്രധാനമായും ചില പാരമ്പര്യഘടകങ്ങളാണ്. ജനിതകപരമായി കഷണ്ടിക്കു സാധ്യതയുള്ളവരില്‍ ചില സെക്‌സ് ഹോര്‍മോണുകളുടെ പ്രവര്‍ത്തനവും മുടികൊഴിച്ചില്‍ ത്വരിതപ്പെടുത്താറുണ്ട്. ഹോര്‍മോണ്‍ വ്യതിയാനങ്ങള്‍ ഉണ്ടാകുമ്പോള്‍ കുറച്ചുകാലത്തേക്കു മുടികൊഴിച്ചില്‍ കണ്ടുവരാറുണ്ട്.അതുകൊണ്ടാണു സ്ത്രീകളില്‍ ഗര്‍ഭകാലത്തും പ്രസവത്തിനുശേഷവും മുടികൊഴിച്ചില്‍ കൂടുതലായി കണ്ടുവരുന്നത്.

മുടികൊഴിച്ചിലുണ്ടാക്കുന്ന മറ്റൊരു പ്രധാന കാരണമാണു തൈറോയ്ഡ് ഗ്രന്ഥിയുടെ പ്രവര്‍ത്തന തകരാറുകള്‍. നമ്മുടെ ശരീരത്തിലെ മറ്റു ഹോര്‍മോണുകളുടെ അളവിനെ നിയന്ത്രിക്കുന്ന ഹോര്‍മോണ്‍ ഗ്രന്ഥിയായ തൈറോയ്ഡ് ശരിയായി പ്രവര്‍ത്തിച്ചില്ലെങ്കില്‍ മുടികൊഴിച്ചിലുണ്ടാകാം.

ശരീരത്തിലെ പ്രതിരോധ സംവിധാനത്തിനു തകരാര്‍ സംഭവിക്കുമ്പോഴും അതു തലമുടിയെ ബാധിക്കാറുണ്ട്. അമിതമായി മാനസികസമ്മര്‍ദമുണ്ടാകുന്ന സമയങ്ങളിലും വലിയ പനി ഉണ്ടാകുമ്പോഴും ശരീരഭാരം കൂടുതല്‍ കുറയുമ്പോഴും മുടികൊഴിച്ചില്‍ അമിതമാകാം. അനീമിയ അഥവാ വിളര്‍ച്ച ഉണ്ടാകുമ്പോഴും മുടികൊഴിച്ചില്‍ കൂടുതലാകാറുണ്ട്. ശിരോചര്‍മത്തിലുണ്ടാകുന്ന അണുബാധകളും മുടികൊഴിച്ചിലിനു കാരണമാകും.

കാന്‍സര്‍, ആര്‍ത്രൈറ്റിസ് അഥവാ സന്ധിവീക്കം, വിഷാദരോഗം, രക്താതിസമ്മര്‍ദം, ഹൃദ്രോഗങ്ങള്‍ തുടങ്ങിയവയ്ക്ക് ഉപയോഗിക്കുന്ന ചില മരുന്നുകളും മുടികൊഴിച്ചിലിനു കാരണമാകാറുണ്ട്. തലമുടി കഴുകാനുപയോഗിക്കുന്ന വെള്ളത്തിലടങ്ങിയിരിക്കുന്ന രാസപദാര്‍ഥങ്ങളും (ഉദാ. ക്ലോറിന്റെ കൂടിയ അളവ്) ചില മിനറലുകളും മുടിയുടെ വളര്‍ച്ചയെയും ആരോഗ്യത്തെയും മോശമായി ബാധിക്കാം.
 
Other News in this category

 
 




 
Close Window