|
അയര്ലന്ഡില് മലയാളി യുവാവ് കുഴഞ്ഞുവീണു മരിച്ചു. എറണാകുളം ജില്ലയിലെ പെരുമ്പാവൂരിനടുത്ത് കുറുപ്പുംപടി വേങ്ങൂര് വക്കുവള്ളി സ്വദേശി തെക്കുംകുടി ബേസില് വര്ഗീസ് (39) ആണു രാത്രി മരിച്ചത്.
മേയോ യൂണിവേഴ്സിറ്റി ഹോസ്പിറ്റലിലെ സ്റ്റാഫ് നഴ്സായ കുക്കു സജിയാണ് ഭാര്യ. ഒരു കുട്ടിയുണ്ട്. ബേസിലിന്റെ അപ്രതീക്ഷിതമായ വേര്പാടിന്റെ ഞെട്ടലിലാണ് കുടുംബാംഗങ്ങളും സുഹൃത്തുക്കളും. തുടര്നടപടികള്ക്ക് ശേഷം മൃതദേഹം നാട്ടില് സംസ്കരിക്കാനാണ് കുടുംബാംഗങ്ങളുടെ ആഗ്രഹം. |
