|
നോട്ടിംഗ്ഹാം കേന്ദ്രമായി പ്രവര്ത്തിക്കുന്ന ശ്രീ നാരായണ പ്രസ്ഥാനമായ സംഗമം യു.കെ. യുടെ ആഭിമുഖ്യത്തില് ''സേഫ്ഗാര്ഡിങ് ചില്ഡ്രന് & എഫക്റ്റീവ് പാരന്റിംഗ്'' എന്ന വിഷയത്തെ ആസ്പദമാക്കി ജീവന് ട്രസ്റ്റ് യു.കെ യുമായി സഹകരിച്ച് ഓണ്ലൈന് വെബിനാര് സംഘടിപ്പിക്കുകയുണ്ടായി.
യുകെയിലെ നിയമ വ്യവസ്ഥയില് ജീവിക്കുന്ന നമ്മള് ഓരോരുത്തരും, കുട്ടികളുടെ സുരക്ഷയും അവരുടെ ആരോഗ്യകരമായ വളര്ച്ചയും ഉറപ്പാക്കുന്നത് ഒരു കൂട്ടായ ഉത്തരവാദിത്തമാണെന്ന് ഈ വെബിനാര് വീണ്ടും ഓര്മ്മിപ്പിച്ചു .ജീവന് ട്രസ്റ്റ് യു.കെ ട്രെയിനിംഗ് കോര്ഡിനേറ്റര് ആയ ടോമി സെബാസ്റ്റ്യന് ആണ് ഈ വെബിനാര് നയിച്ചത്.
കുടുംബജീവിതത്തില്നേരിടുന്ന മറ്റ് പലതരത്തിലുള്ള വിഷയങ്ങള്ക്കും പ്രാധാന്യം നല്കി കൊണ്ട് പ്രവര്ത്തനങ്ങള് വ്യാപിപ്പിക്കാന് സംഗമം യുകെ പ്രതിജ്ഞാബദ്ധം ആണെന്ന് സ്വാഗത പ്രസംഗത്തില് സെക്രട്ടറി അരുണ് കുമാര് അറിയിച്ചു.സംഗമം യുകെ ക്കു വേണ്ടി ജോയിന്റ് സെക്രട്ടറി കിഷോര് കമല് കൃതജ്ഞത രേഖപ്പെടുത്തി |
