ലണ്ടന്: ഇംഗ്ലണ്ടിലെ റെസിഡന്റ് ഡോക്ടര്മാരുടെ സമരം അവസാനിപ്പിക്കാനുള്ള അവസരം സര്ക്കാര് തന്നെ ഇല്ലാതാക്കിയെന്നാണ് ഡോക്ടര്മാരുടെ ആരോപണം. അവസാന സമയത്ത് സര്ക്കാര് നയം മാറ്റിയതാണ് തര്ക്കം രൂക്ഷമാകാന് കാരണമെന്ന് ബ്രിട്ടീഷ് മെഡിക്കല് അസോസിയേഷന് റെസിഡന്റ് ഡോക്ടേഴ്സ് കമ്മറ്റിയുടെ ചെയര്മാന് ഡോ. ജാക്ക് ഫ്ലെച്ചര് വ്യക്തമാക്കി.
''സര്ക്കാര് കളിക്കുകയാണ്, അതുകൊണ്ടാണ് ഡോക്ടര്മാര് സമരത്തിലേക്ക് പോകേണ്ടിവന്നത്. എന്എച്ച്എസിന് നേരിടുന്ന പ്രതിസന്ധി സര്ക്കാരിന്റെ നിലപാടുകൊണ്ടാണ്,'' എന്ന് ഫ്ലെച്ചര് വിമര്ശിച്ചു. ആരോഗ്യമന്ത്രി തെറ്റിദ്ധരിപ്പിക്കുന്ന രീതിയിലാണ് പ്രതികരിക്കുന്നതെന്നും അദ്ദേഹം കുറ്റപ്പെടുത്തി. കഴിഞ്ഞ മൂന്ന് വര്ഷത്തിനിടെ ഏകദേശം 28.3% വേതനവര്ധന ലഭിച്ചിട്ടുണ്ടെങ്കിലും, തുടര്ച്ചയായ സമരങ്ങള് എന്എച്ച്എസിന് £3 ബില്യണ് നഷ്ടം വരുത്തിയതായി റിപ്പോര്ട്ടുകള് സൂചിപ്പിക്കുന്നു. ഇതിന്റെ ഭാഗമായി ലക്ഷക്കണക്കിന് രോഗികളുടെ ചികിത്സകളും പരിശോധനകളും പുനഃക്രമീകരിക്കേണ്ടിവന്നു. നിലവിലെ സമരം അവസാനിച്ച ശേഷം വീണ്ടും ചര്ച്ചകള് ആരംഭിക്കാനുള്ള താല്പര്യം ഡോക്ടര്മാര് പ്രകടിപ്പിച്ചിട്ടുണ്ടെങ്കിലും, ''ഡോക്ടര്മാര് സര്ക്കാരിന്റെ നിലപാട് തെറ്റായി വ്യാഖ്യാനിക്കുന്നു. തുടര്ച്ചയായ സമരങ്ങള് രോഗികളോട് ചെയ്യുന്ന ക്രൂരതയാണ്,'' എന്ന് സര്ക്കാര് വ്യക്തമാക്കിയിട്ടുണ്ട്.
