സര്‍ചാര്‍ജ് വര്‍ധിപ്പിച്ച് ഇന്‍ഡിഗോ. വിമാന ടിക്കറ്റ് നിരക്കുകള്‍ വീണ്ടും ഉയരും. വിമാന ഇന്ധന വില ഉയര്‍ന്നതിന് പിന്നാലെയാണ് സര്‍ചാര്‍ജ് വര്‍ധിപ്പിച്ചത്. പുതിയ നിരക്കുകള്‍ ഏപ്രില്‍ രണ്ട് അര്‍ധരാത്രി മുതല്‍ പ്രാബല്യത്തില്‍ വരും. ആഭ്യന്തര റൂട്ടില്‍ 275 മുതല്‍ 950 രൂപ വരെ കൂടും. രാജ്യാന്തര റൂട്ടില്‍ 900 മുതല്‍ 10,000 വരെയാകും. മറ്റു വിമാന കമ്പനികളും സമാനമായി സര്‍ചാര്‍ജ് വര്‍ധിപ്പിക്കും.

വര്‍ദ്ധിച്ചുവരുന്ന പ്രവര്‍ത്തന ചെലവ് നേരിടാന്‍ 425 രൂപ മുതല്‍ 2,300 രൂപ വരെ ഇന്ധന സര്‍ചാര്‍ജ് ഇന്‍ഡിഗോ നേരത്തെ തന്നെ ഏര്‍പ്പെടുത്തിയിരുന്നു. വരും ദിവസങ്ങളില്‍ ടിക്കറ്റ് വില ഇനിയും ഉയര്‍ത്തേണ്ടി വന്നേക്കും. വ്യോമയാന മേഖലയിലെ മൊത്തം പ്രവര്‍ത്തനച്ചെലവിന്റെ 40 ശതമാനത്തോളം ഇന്ധനത്തിനാണ് ചിലവാകുന്നത്. ഇന്ധനവിലയ്ക്ക് പുറമെ വിദേശ നാണയ വിനിമയ നിരക്കിലെ മാറ്റങ്ങളും കമ്പനിക്ക് വെല്ലുവിളി ഉയര്‍ത്തുന്നുണ്ട്.