|
റിലയന്‍സ് ഇന്‍ഡസ്ട്രീസ് ചെയര്‍മാനും മുകേഷ് അംബാനിയുടെ മകനുമായ അനന്ത് അംബാനി കണ്ണൂര്‍ തളിപ്പറമ്പ് രാജരാജേശ്വര ക്ഷേത്രത്തില്‍ ദര്‍ശനം നടത്തി. ക്ഷേത്രത്തിലെ പ്രധാന വഴിപാടായ പൊന്നിന്‍കുടം സമര്‍പ്പിച്ച് തൊഴുതു. ജിയോ പ്ലാറ്റ്‌ഫോംസിന്റെയും റിലയന്‍സ് റീട്ടെയ്ല്‍ വെഞ്ചേഴ്‌സിന്റെയും ഡയറക്ടറും കൂടിയായ അനന്ത് അംബാനി, ക്ഷേത്രത്തിന് മൂന്ന് കോടി രൂപ സംഭാവനയും നല്‍കി. നവീകരണ പ്രവര്‍ത്തികള്‍ക്കായി പത്ത് കോടി രൂപ നല്‍കുമെന്നും അനന്ത് അംബാനി ക്ഷേത്ര ദര്‍ശനത്തിന് ശേഷം പറഞ്ഞു. കണ്ണൂര്‍ വിമാനത്താവളത്തില്‍ ഇറങ്ങിയശേഷമാണ് അനന്ത് അംബാനി ക്ഷേത്ര ദര്‍ശനത്തിനെത്തിയത്. |
