ലണ്ടന്‍: തൊഴിലില്ലായ്മ പ്രതിസന്ധി നേരിടുന്ന സാഹചര്യത്തില്‍ ബാങ്ക് ഓഫ് ഇംഗ്ലണ്ട് ഈ വര്‍ഷം പലിശ നിരക്കുകള്‍ മൂന്ന് വര്‍ഷത്തിനിടയിലെ ഏറ്റവും താഴ്ന്ന നിലയിലേക്ക് കുറയ്ക്കുമെന്ന് റിപ്പോര്‍ട്ട്.

വേനല്‍ക്കാലത്തിനുശേഷം നിലവിലെ 3.75% നിരക്ക് 2.75% ആയി കുറയുമെന്ന് സ്വിസ് ബാങ്കായ ലോംബാര്‍ഡ് ഒഡിയര്‍ ദി ടെലിഗ്രാഫിനോട് പ്രവചിച്ചു. ഏതാനും ആഴ്ചകള്‍ക്ക് മുമ്പ് ബാങ്ക് ഓഫ് ഇംഗ്ലണ്ടിന്റെ നയരൂപീകരണ വിദഗ്ധര്‍ അടിസ്ഥാന നിരക്ക് 4% ല്‍ നിന്ന് 3.75% ആയി കുറയ്ക്കാന്‍ വോട്ട് ചെയ്തിരുന്നു.

വായ്പ നല്‍കുന്നവര്‍ പലിശ നിരക്കുകള്‍ നിര്‍ണ്ണയിക്കാന്‍ അടിസ്ഥാന നിരക്ക് ഉപയോഗിക്കുന്നു. ഉപഭോക്താക്കള്‍ക്ക് സേവിംഗ്‌സ്, വായ്പ ചെലവുകള്‍ എന്നിവയില്‍ നേരിട്ട് ബാധിക്കുന്നതാണ് ഈ മാറ്റം.

പലിശ നിരക്കുകള്‍ ഇത്രയും താഴ്ന്ന നിലയിലേക്ക് കുറയുന്നത് വീട്ടുടമസ്ഥര്‍ക്കു നല്ല വാര്‍ത്തയായിരിക്കും, കാരണം അവരുടെ മോര്‍ട്ട്‌ഗേജ് നിരക്കുകള്‍ കുറയും. എന്നാല്‍, നിക്ഷേപകര്‍ക്ക് നഷ്ടമുണ്ടാകാന്‍ സാധ്യതയുണ്ട്, കാരണം അവരുടെ സമ്പാദ്യത്തിന് ലഭിക്കുന്ന പലിശ നിരക്ക് കുറയാനാണ് സാധ്യത