മേയര് - കെഎസ്ആര്ടിസി ഡ്രൈവര് തര്ക്കത്തില് തിരുവനന്തപുരം മേയര് ആര്യാ രാജേന്ദ്രനും എംഎല്എ സച്ചിന് ദേവിനുമെതിരെ കേസെടുത്ത് പൊലീസ്. കോടതി നിര്ദ്ദേശപ്രകാരമാണ് കന്റോണ്മെന്റ് പൊലീസ് കേസെടുത്തത്. കെഎസ്ആര്ടിസി ബസിന്റെ യാത്ര തടസപ്പെടുത്തിയതുള്പ്പെടെയാണ് വകുപ്പുകള്.
കേസില് അഞ്ചു പേരാണ് പ്രതികള്. ജാമ്യം ലഭിക്കാവുന്ന വകുപ്പുകള് ചുമത്തിയാണ് കേസ്. അഭിഭാഷകന് ബൈജു നോയലിന്റെ ഹര്ജിയില് പരിശോധിച്ച് കേസെടുക്കാന് കോടതി നിര്ദ്ദേശിച്ചിരുന്നു. തിരുവനന്തപുരം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി ആയിരുന്നു നിര്ദ്ദേശം നല്കിയത്. |