|
സംസ്ഥാന സിലബസില് പഠിക്കുന്ന കുട്ടികള്ക്ക് മിനിമം മാര്ക്ക് നിര്ബന്ധമാക്കി. ഇന്ന് ചേര്ന്ന മന്ത്രിസഭാ യോഗത്തിലാണ് തീരുമാനം. ജൂണ്മാസത്തില് ചേര്ന്ന സംസ്ഥാന വിദ്യാഭ്യാസ കോണ്ക്ലേവിലെ നിര്ദേശങ്ങള് പ്രകാരമാണ് തീരുമാനം. എട്ടാം ക്ലാസില് ഇത്തവണ മുതല് ഓള് പാസ് ഇല്ല. അടുത്ത വര്ഷം ഒന്പതാം ക്ലാസിലും മിനിമം മാര്ക്ക് നടപ്പാക്കും. എഴുത്തുപരീക്ഷയ്ക്ക് ഓരോ വിഷയത്തിനും 30 ശതമാനം മാര്ക്ക് നിര്ബന്ധമാക്കും.
2026-27ല് പത്താം ക്ലാസിലും മിനിമം മാര്ക്ക് നടപ്പാക്കാനാണ് മന്ത്രിസഭാ തീരുമാനം. വിദ്യാഭാസ കോണ്ക്ലേവിന്റെ ശുപാര്ശ മന്ത്രിസഭാ യോഗം അംഗീകരിക്കുകയായിരുന്നു. ഇന്റേണല് മാര്ക്ക് കൂടുതല് നല്കുന്നതു മൂലവും ഓള് പാസ് മൂലവും സംസ്ഥാനത്ത് സര്ക്കാര് സ്കൂളുകളിലെ വിഭ്യാഭ്യാസ നിലവാരം കുറയുന്നുവെന്ന് ആരോപണം ഉയര്ന്നിരുന്നു. |
