|
വയനാട് ഉരുള്പൊട്ടലില് എല്ലാം നഷ്ടപ്പെട്ടവരെ ചേര്ത്തു പിടിച്ച് മികച്ച പുനരധിവാസ പദ്ധതി നടപ്പാക്കാന് മുഖ്യമന്ത്രി വിളിച്ച സര്വകക്ഷിയോഗം ഏകകണ്ഠേന തീരുമാനിച്ചു. സര്വകക്ഷിയോഗത്തില് എല്ലാവരും ഒരേ വികാരം പ്രകടിപ്പിച്ചതില് മുഖ്യമന്ത്രി നന്ദി അറിയിച്ചു.
വയനാട് ഉരുള്പൊട്ടല് ദുരന്തബാധിതരുടെ പുനരധിവാസത്തിന്റെ ഭാഗമായി 1000 സ്ക്വയര്ഫീറ്റില് ഒറ്റനില വീടാണ് നിര്മിച്ചു നല്കാന് സര്ക്കാര് ഉദ്ദേശിക്കുന്നത് എന്ന് മുഖ്യമന്ത്രി പിണറായി വിജയന് പറഞ്ഞു. ഭാവിയില് രണ്ടാമത്തെ നിലകൂടിക്കെട്ടാന് സൗകര്യമുള്ള രീതിയിലാകും അടിത്തറ പണിയുക. വീടുകള് ഒരേ രീതിയിലാകും നിര്മിക്കുകയെന്നും ഗുണനിലവാരം ഉറപ്പുവരുത്തുമെന്നും മുഖ്യമന്ത്രി പറഞ്ഞു. |
