|
കണ്ണൂര് ജില്ലാ പൊലീസ് മേധാവി അജിത്ത് കുമാറിന്റെ നേതൃത്വത്തിലുള്ളതാണ് പ്രത്യേക അന്വേഷണ സംഘം. കണ്ണൂര് റേഞ്ച് ഡിഐജിക്ക് അന്വേഷണത്തിന്റെ മേല്നോട്ട ചുമതല നല്കിയിട്ടുണ്ട്. കണ്ണൂര് എസിപി രത്നകുമാര്, ടൗണ് സിഐ ശ്രീജിത് കൊടേരി എന്നിവര് സംഘത്തില് ഉള്പ്പെടുന്നു. ഉത്തരമേഖലാ ഐജിയാണ് വിവാദ സംഭവത്തില് അന്വേഷണം നടത്തിയത്.
കേസില് ആത്മഹത്യാ പ്രേരണക്കുറ്റ ചുമത്തപ്പെട്ട മുന് ജില്ലാ പഞ്ചായത്ത് അധ്യക്ഷ പിപി ദിവ്യയെ ഇതുവരെ അറസ്റ്റ് ചെയ്തിട്ടില്ല. അവരുടെ മുന്കൂര് ജാമ്യാപേക്ഷയില് ഈ മാസം 29ന് തലശേരി പ്രിന്സിപ്പല് സെഷന്സ് കോടതി വിധി പറയും. റവന്യൂ വകുപ്പിന്റെ ആഭ്യന്തര അന്വേഷണം പൂര്ത്തിയാക്കിയ ലാന്റ് റവന്യൂ ജോയിന്റ് കമ്മീഷണര് എ ഗീത ഇന്നലെ റിപ്പോര്ട്ട് സര്ക്കാരിന് സമര്പ്പിച്ചിരുന്നു. |
