|
ലൈംഗികാധിക്ഷേപ കേസില് ജയിലിലായ ബോബി ചെമ്മണ്ണൂരിന് വഴിവിട്ട രീതിയില് സഹായം ചെയ്ത സംഭവത്തില് രണ്ടു ജയില് ഉദ്യോഗസ്ഥര്ക്ക് സസ്പെന്ഷന്. മധ്യമേഖലാ ജയില് ഡിഐജി പി അജയകുമാര്, എറണാകുളം ജയില് സൂപ്രണ്ട് രാജു ഏബ്രഹാം എന്നിവരെയാണ് സസ്പെന്ഡ് ചെയ്തത്.
ജയില് മേധാവി ബല്റാം കുമാര് ഉപാധ്യായയുടെ റിപ്പോര്ട്ടിലെ ശുപാര്ശ പരിഗണിച്ചാണ് നടപടി. റിമാന്ഡില് കഴിയുന്നതിനിടെ ബോബി ചെമ്മണ്ണൂരിന്റെ സുഹൃത്തുക്കളുമായി മധ്യമേഖല ഡിഐജി ജയിലിലെത്തി സൂപ്രണ്ടിന്റെ മുറിയില് കൂടിക്കാഴ്ചയക്ക് അവസരം നല്കിയെന്നാണ് ജയില് മേധാവിയുടെ കണ്ടെത്തല്. ജയില് ചട്ടങ്ങള് ലംഘിച്ചുള്ള നടപടിയായതിനാലാണ് കടുത്ത അച്ചടക്ക നടപടി സ്വീകരിച്ചത്.
ജയിലില് ബോബിയെ കാണാന് വിഐപികള് എത്തിയ സംഭവം നേരത്തെ വിവാദമായിരുന്നു. കൂടാതെ, മറ്റ് പരിഗണനകള് ബോബിക്ക് ലഭിച്ചതായും റിപ്പോര്ട്ടുകളുണ്ടായിരുന്നു. ഈ വിഷയത്തിലാണ് ജയില് ആസ്ഥാന ഡിഐജി ജയില് ഉദ്യോ?ഗസ്ഥര്ക്കെതിരെ റിപ്പോര്ട്ട് സമര്പ്പിച്ചത്. സസ്പെന്ഷനിലായ ഉദ്യോ?ഗസ്ഥരെ കൂടാതെ മറ്റ് ഉദ്യോഗസ്ഥരുടെ പേരും റിപ്പോര്ട്ടിലുണ്ടായിരുന്നു. ഇവരെ സ്വാധീനിക്കാന് ശ്രമിച്ചതായും റിപ്പോര്ട്ടില് പറയുന്നു. |
