|
രണ്ടുദിവസത്തെ ഔദ്യോഗിക സന്ദര്ശനത്തിനായി മൗറീഷ്യസിലെത്തിയ പ്രധാനമന്ത്രി നരേന്ദ്ര മോദിക്ക് ഊഷ്മള വരവേല്പ്പ്. മൗറീഷ്യസിന്റെ ദേശീയ ദിനാഘോഷങ്ങളില് മുഖ്യാതിഥിയായി പ്രധാനമന്ത്രി പങ്കെടുക്കും. രാജ്യത്തെ പ്രധാന നേതാക്കളുമായി അദ്ദേഹം കൂടിക്കാഴ്ച നടത്തുകയും ചെയ്യും.
ചൊവ്വാഴ്ച അതിരാവിലെയാണ് പ്രധാനമന്ത്രി മൗറീഷ്യസിലെത്തിയത്. 200 വിശിഷ്ടാതിഥികള് ചേര്ന്നാണ് അദ്ദേഹത്തെ സ്വീകരിച്ചത്. മൗറീഷ്യസ് പ്രധാനമന്ത്രി നവീന് രാംഗൂലം അദ്ദേഹത്തെ മാലയിട്ട് വരവേറ്റു. മൗറീഷ്യസ് ഉപപ്രധാനമന്ത്രി, മൗറീഷ്യസ് ചീഫ് ജസ്റ്റിസ്, ദേശീയ അസംബ്ലി സ്പീക്കര്, പ്രതിപക്ഷ നേതാവ്, വിദേശകാര്യമന്ത്രി, കാബിനറ്റ് സെക്രട്ടറി, ഗ്രാന്ഡ്പോര്ട്ട് ഡിസ്ട്രിക്റ്റ് കൗണ്സില് ചെയര്പേഴ്സണ്, മറ്റ് നിരവധി ഉന്നത ഉദ്യോഗസ്ഥര് എന്നിവരും അദ്ദേഹത്തെ അനുഗമിച്ചിരുന്നു. |
