|
ശബരിമലയിലെ സ്വര്ണം തട്ടിപ്പിനായി ഉണ്ണികൃഷ്ണന് പോറ്റിക്കൊപ്പം മുരാരി ബാബു ഗൂഢാലോചന നടത്തിയെന്നു റിമാന്ഡ് റിപ്പോര്ട്ട്. ശബരിമല മുന് അഡ്മിനിസ്ട്രേറ്റീവ് ഓഫീസറാണ് മുരാരി ബാബു. പെരുന്നയിലെ വീട്ടില് വെച്ച് ഇയാളെ കസ്റ്റഡിയിലെടുത്തത്. പിന്നാലെ ചോദ്യം ചെയ്യല് പൂര്ത്തിയക്കിയാണ് അറസ്റ്റ് രേഖപ്പെടുത്തിയിരിക്കുന്നത്.
സ്വര്ണ്ണപ്പാളികള്, ചെമ്പെന്ന് എന്ന് രേഖപ്പെടുത്തിയത് മനപ്പൂര്വ്വം. 1998ല് തന്നെ പാളികള് സ്വര്ണം പൂശിയതായി മുരാരി ബാബുവിന് വ്യക്തതയുണ്ടായിരുന്നു. മുരാരി നടത്തിയ ഗൂഢാലോചനകള് എണ്ണിപ്പറഞ്ഞാണ് അന്വേഷണസംഘത്തിന്റെ റിമാന്ഡ് റിപ്പോര്ട്ട്. ബോധപൂര്വം തട്ടിപ്പുകള്ക്ക് കൂട്ടുനിന്നുവെന്നും റിമാന്ഡ് റിപ്പോര്ട്ടില് പറയുന്നു. മുരാരി ബാബു ക്ഷേത്ര ശ്രീകോവില് കട്ടളയിലെ സ്വര്ണ്ണം കൊള്ള ചെയ്ത കേസിലും പ്രതി എന്ന് എസ്ഐടി കോടതിയില് പറഞ്ഞു. ശബരിമല ക്ഷേത്ര വിശ്വാസികളുടെ വികാരത്തെ വൃണപ്പെടുത്തിയെന്നും റിമാന്ഡ് റിപ്പോര്ട്ടില് പറയുന്നു. |
