ലണ്ടന്‍: ബ്രിട്ടനിലെ ഉന്നതവിദ്യാഭ്യാസ മേഖലയിലെ സ്റ്റുഡന്റ് ലോണ്‍ സംബന്ധിച്ച ചര്‍ച്ചകള്‍ പുതിയ തലത്തിലേക്ക്. നിലവിലെ വായ്പാ തിരിച്ചടവ് രീതികള്‍ നീതിയുക്തമാണെന്ന് ചാന്‍സലര്‍ റേച്ചല്‍ റീവ്‌സ് അവകാശപ്പെടുമ്പോള്‍, ധനകാര്യ വിദഗ്ധര്‍ ഇത് ധാര്‍മ്മികമായി ശരിയല്ലെന്ന വിമര്‍ശനവുമായി രംഗത്തെത്തിയിട്ടുണ്ട്.

ലോണ്‍ സംവിധാനം

- ട്യൂഷന്‍ ഫീ ലോണ്‍: സര്‍വകലാശാലയ്ക്ക് നേരിട്ട് നല്‍കുന്നു.

- മെയിന്റനന്‍സ് ലോണ്‍: താമസം, ഭക്ഷണം, പുസ്തകങ്ങള്‍ തുടങ്ങിയ ചെലവുകള്‍ക്കായി വിദ്യാര്‍ഥിയുടെ അക്കൗണ്ടിലേക്കാണ് നല്‍കുന്നത്.

- മെയിന്റനന്‍സ് ഗ്രാന്റ്: തിരിച്ചടയ്‌ക്കേണ്ടതില്ല; വെയ്ല്‍സ് സര്‍ക്കാര്‍ നല്‍കുന്നു.

ഫീസ് നിരക്കുകള്‍

- ഇംഗ്ലണ്ട്/വെയ്ല്‍സ്: £9,535

- നോര്‍ത്തേണ്‍ അയര്‍ലന്‍ഡ്: £4,855 (പ്രാദേശികര്‍ക്ക്), £9,535 (മറ്റുള്ളവര്‍ക്ക്)

- സ്‌കോട്ട്‌ലന്‍ഡ്: സ്‌കോട്ടിഷ് വിദ്യാര്‍ഥികള്‍ക്ക് സൗജന്യം; മറ്റുള്ളവര്‍ക്ക് £9,535

തിരിച്ചടവ് രീതി

- പഠനം പൂര്‍ത്തിയാക്കി നിശ്ചിത ശമ്പള പരിധി കഴിഞ്ഞാല്‍ മാത്രമേ തിരിച്ചടവ് തുടങ്ങൂ.

- അധിക വരുമാനത്തിന്റെ 9% തിരിച്ചടയ്ക്കണം.

- പരിധി: ഇംഗ്ലണ്ട് £25,000, വെയ്ല്‍സ് £28,470, സ്‌കോട്ട്‌ലന്‍ഡ് £32,745, നോര്‍ത്തേണ്‍ അയര്‍ലന്‍ഡ് £26,065.

- പലിശ: ഇംഗ്ലണ്ട്/സ്‌കോട്ട്‌ലന്‍ഡ് 4.3%, വെയ്ല്‍സ് വരുമാനത്തിനനുസരിച്ച് 7.3% വരെ.

ലോണ്‍ എഴുതിത്തള്ളുന്ന കാലാവധി

- ഇംഗ്ലണ്ട്: 40 വര്‍ഷം (2025 മുതല്‍ ചേര്‍ന്നവര്‍ക്ക്)

- വെയ്ല്‍സ്/സ്‌കോട്ട്‌ലന്‍ഡ്: 30 വര്‍ഷം

- നോര്‍ത്തേണ്‍ അയര്‍ലന്‍ഡ്: 25 വര്‍ഷം

വരാനിരിക്കുന്ന മാറ്റങ്ങള്‍

- 2026 മുതല്‍ ട്യൂഷന്‍ ഫീസിലും മെയിന്റനന്‍സ് ലോണിലും പണപ്പെരുപ്പത്തിന് അനുസരിച്ചുള്ള വര്‍ധനവ്.

- ഇംഗ്ലണ്ടില്‍ ട്യൂഷന്‍ ഫീസ് £9,900 കടക്കുമെന്നാണ് റിപ്പോര്‍ട്ടുകള്‍.

- 2028 മുതല്‍ കുറഞ്ഞ വരുമാനമുള്ള കുടുംബങ്ങളിലെ വിദ്യാര്‍ഥികള്‍ക്ക് £1,000 വരെ മെയിന്റനന്‍സ് ഗ്രാന്റ് പുനഃസ്ഥാപിക്കും.

അധികമായി ഈടാക്കിയ തുക

കഴിഞ്ഞ സാമ്പത്തിക വര്‍ഷം മാത്രം £61 മില്യണ്‍ അധികമായി ഈടാക്കിയതായി കണ്ടെത്തി. സര്‍ക്കാര്‍ അത് വിദ്യാര്‍ഥികള്‍ക്ക് തിരികെ നല്‍കി. റീഫണ്ടിനായി 'സ്റ്റുഡന്റ് ലോണ്‍സ് കമ്പനി' (SLC) വെബ്‌സൈറ്റ് വഴി അപേക്ഷിക്കാം