ലണ്ടന്‍: നികുതികള്‍ ഇനി വര്‍ധിപ്പിക്കില്ലെന്ന മുന്‍ വാഗ്ദാനം ഉപേക്ഷിച്ചതായി ബ്രിട്ടീഷ് ചാന്‍സലര്‍ റേച്ചല്‍ റീവ്സ് പ്രഖ്യാപിച്ചു. ലോകം മാറിയതാണെന്ന് ചാന്‍സലര്‍ വിശദീകരിച്ചെങ്കിലും, സര്‍ക്കാരിനും ലേബര്‍ പാര്‍ട്ടിയ്ക്കുമെതിരെ കടുത്ത ജനരോഷം നിലനില്‍ക്കുന്ന സാഹചര്യത്തിലാണ് ഈ നീക്കം.
ബജറ്റില്‍ വാറ്റ് വര്‍ധിപ്പിക്കില്ലെന്ന് ഉറപ്പിച്ച് പറയാന്‍ പ്രധാനമന്ത്രിയുടെ ചീഫ് സെക്രട്ടറി ഡാരെന്‍ ജോണ്‍സ് തയ്യാറായില്ല. ലേബര്‍ പ്രകടനപത്രികയില്‍ നല്‍കിയ വാഗ്ദനങ്ങള്‍ ലംഘിക്കപ്പെടുന്നതിന്റെ സൂചനകളാണ് ഇപ്പോള്‍ പുറത്തുവരുന്നത്. നിലവില്‍ വാറ്റ് ഇളവ് ലഭിക്കുന്ന സേവനങ്ങളില്‍ ഈ മാറ്റങ്ങള്‍ ഉള്‍പ്പെടുത്താനുള്ള സാധ്യതകള്‍ ട്രഷറി പരിശോധിക്കുന്നതായി റിപ്പോര്‍ട്ടുകള്‍ സൂചിപ്പിക്കുന്നു.
പ്രൈവറ്റ് ഹെല്‍ത്ത് കെയര്‍, ഫിനാന്‍ഷ്യല്‍ സേവനങ്ങള്‍ എന്നിവ വാറ്റ് പരിധിയില്‍ ഉള്‍പ്പെടുമെന്ന സൂചനയും ഉണ്ട്. പ്രൈവറ്റ് ഹെല്‍ത്ത് കെയറില്‍ വാറ്റ് ഏര്‍പ്പെടുത്തിയാല്‍ ട്രഷറിക്ക് 2 ബില്ല്യണ്‍ പൗണ്ട് വരുമാനം ലഭിക്കുമെന്നാണ് കണക്ക്. ഇതിന്റെ ബാധ eight മില്ല്യണ്‍ മധ്യവര്‍ഗ്ഗ കുടുംബങ്ങളിലേക്കാണ് എത്തുക. കൂടാതെ ചെറുകിട ബിസിനസ്സുകള്‍ക്ക് വാറ്റ് രജിസ്ട്രേഷന്‍ എടുക്കേണ്ട പരിധി വെട്ടിക്കുറയ്ക്കാനും ട്രഷറി ആലോചിക്കുന്നു.
അതേസമയം, തൊഴില്‍രഹിതരായ യുവാക്കളെ ജോലിയിലേക്ക് മടക്കിയെത്തിക്കാനുള്ള 'യൂത്ത് ഗ്യാരണ്ടി' പദ്ധതിയില്‍ ഗുരുതരമായ ഒഴിവുകള്‍ ചൂണ്ടിക്കാട്ടപ്പെടുന്നു. ഉത്കണ്ഠയും മാനസികാരോഗ്യ പ്രശ്‌നങ്ങളും മൂലം ബെനഫിറ്റുകള്‍ കൈപ്പറ്റുന്ന 18-21 വയസ്സുള്ളവര്‍ ഈ പദ്ധതിയില്‍ ഉള്‍പ്പെടുന്നില്ല. 18 മാസം വരുമാനമോ പഠനമോ ഇല്ലാതെ യൂണിവേഴ്സല്‍ ക്രെഡിറ്റ് കൈപ്പറ്റുന്നവര്‍ക്ക് പെയ്ഡ് ജോലി നല്‍കാനാണ് പദ്ധതി ലക്ഷ്യമിടുന്നത്. എന്നാല്‍, അതിന്റെ പ്രായപരിധിയും മാനസികാരോഗ്യ പ്രശ്‌നങ്ങളുള്ളവരുടെ ഉള്‍പ്പെടുത്തലില്ലായ്മയും വിമര്‍ശനങ്ങള്‍ക്ക് ഇടയാക്കുന്നു.
