എറണാകുളം പഴങ്ങനാട് സ്വദേശിയും മാന്‍സ്ഫീല്‍ഡ് കിങ്സ് മില്‍ എന്‍എച്ച്എസ് ഹോസ്പിറ്റലിലെ നഴ്സുമായ സെബിന്‍ രാജ് വര്‍ഗീസ് (42) യുകെയിലെ മാന്‍സ്ഫീല്‍ഡിലെ താമസസ്ഥലത്ത് മരിച്ച നിലയില്‍ കണ്ടെത്തി. ഇന്ന് രാവിലെ യുകെ സമയം 8 മണിയോടെയാണ് കിടപ്പുമുറിയില്‍ മരിച്ച നിലയില്‍ കണ്ടെത്തിയത്. ഹോസ്പിറ്റലില്‍ ഇന്ന് ഡ്യൂട്ടി ഉണ്ടായിരുന്ന സെബിന് ജോലിക്ക് എത്താതിരുന്നതിനെ തുടര്‍ന്ന് നടത്തിയ അന്വേഷണത്തിലാണ് സംഭവം പുറത്തായത്. സെബിനെRepeatedly വിളിച്ചിട്ടും ലഭിക്കാതിരുന്ന സാഹചര്യത്തില്‍ ഭാര്യ റെയ്സ വീട്ടിലേക്ക് എത്തി വാതില്‍ തുറന്നപ്പോഴാണ് കട്ടിലില്‍ മരിച്ച നിലയില്‍ കിടക്കുന്ന സെബിനെ കണ്ടത്. ഉറക്കത്തില്‍ ഹൃദയാഘാതം സംഭവിച്ചതായാണ് പ്രാഥമിക നിഗമനം.

സ്‌കൂള്‍ അവധിയെത്തുടര്‍ന്ന് കുട്ടികള്‍ക്കായുള്ള സ്ലീപ്പോവറില്‍ പങ്കെടുക്കാന്‍ ഭാര്യയും രണ്ട് മക്കളും മറ്റൊരു വീട്ടിലായിരുന്നു കഴിഞ്ഞ ദിവസം. സെബിന് ഡ്യൂട്ടി ഉണ്ടായതിനാല്‍ സ്ലീപ്പോവറില്‍ പങ്കെടുത്തിരുന്നില്ല.

2016-ലാണ് സെബിന്‍ രാജ് യുകെയിലേക്ക് കുടിയേറിയത്. മാന്‍സ്ഫീല്‍ഡ് വിക്ടോറിയസ് ക്രിക്കറ്റ് ക്ലബിലെ അംഗമായിരുന്ന സെബിന് മികച്ച ക്രിക്കറ്റ് കളിക്കാരനുമായിരുന്നു. മരണവിവരം അറിഞ്ഞ് യുകെയിലെ വിവിധ ഭാഗങ്ങളില്‍ നിന്നുള്ള ബന്ധുക്കളും സുഹൃത്തുക്കളും മാന്‍സ്ഫീല്‍ഡിലേക്ക് എത്തിച്ചേര്‍ന്നിട്ടുണ്ട്.

മക്കള്‍: അനേയ സെബിന്‍, അലോസ സെബിന്‍.

മാതാപിതാക്കള്‍: പഴങ്ങനാട് കൊടിയന്‍ വീട്ടില്‍ കെ. പി. വര്‍ഗീസ് കൊടിയന്‍, പരേതയായ അല്‍ഫോന്‍സ് വര്‍ഗീസ്.

സഹോദരങ്ങള്‍: റവ. ഫാ. പോള്‍ രാജ് കൊടിയന്‍, ട്രീസ വര്‍ഗീസ്.

പഴങ്ങനാട് സെന്റ് അഗസ്റ്റിന്‍സ് സിറോ മലബാര്‍ കത്തോലിക്കാ ചര്‍ച്ചിലെ അംഗങ്ങളാണ് കുടുംബം.

സംസ്‌കാരം പിന്നീട്.