ഡബ്ലിന്‍: സ്ത്രീകളുടെ മുന്നില്‍ നഗ്‌നതാ പ്രദര്‍ശനവും സ്വയംഭോഗവും നടത്തിയതായി ഇന്ത്യന്‍ വിദ്യാര്‍ത്ഥി കുറ്റം സമ്മതിച്ചു. യുസിഡി (University College Dublin) മാസ്റ്റേഴ്‌സ് വിദ്യാര്‍ത്ഥി റിഷഭ് മഹാജന്‍ (30) ആണ് കുറ്റം സമ്മതിച്ചത്. പല തവണ പല സ്ത്രീകള്‍ക്ക് മുന്നില്‍ കുറ്റകൃത്യം ആവര്‍ത്തിച്ചതോടൊപ്പം, ഒരു സ്ത്രീയുടെ പിന്‍ഭാഗത്ത് സ്പര്‍ശിച്ച കുറ്റവും പ്രതി അംഗീകരിച്ചു.

സംഭവങ്ങളുടെ വിശദാംശങ്ങള്‍

- 2024 ഒക്ടോബര്‍ 23: പുലര്‍ച്ചെ 1.50ഓടെ, സ്ത്രീ ജോലി ചെയ്തിരുന്ന ഗ്ലാസ് മറയുള്ള ഓഫിസിന് മുന്നിലെത്തിയ പ്രതി നഗ്‌നതാ പ്രദര്‍ശനവും സ്വയംഭോഗവും നടത്തി. യുവതി പ്രതിയോട് സ്ഥലം വിടാന്‍ ആവശ്യപ്പെട്ടെങ്കിലും, പ്രതി ചിരിച്ച് അവഗണിച്ചു. തുടര്‍ന്ന് യുവതി ഗാര്‍ഡയെ (പൊലീസ്) വിളിക്കുന്നതായി മനസ്സിലാക്കിയപ്പോള്‍ പ്രതി സ്ഥലം വിട്ടു.

- നവംബര്‍ 3, 4: പുലര്‍ച്ചെ 1.15ഓടെ ബൈക്കിലെത്തി, അതേ കെട്ടിടത്തിന് മുന്നില്‍ പ്രതി വീണ്ടും കുറ്റകൃത്യം ആവര്‍ത്തിച്ചു. യുവതികള്‍ ഗാര്‍ഡയെ വിളിച്ചതോടെ പ്രതി രക്ഷപ്പെട്ടു.

തെളിവുകളും കോടതിവിവരങ്ങളും

- പ്രതി താമസിച്ചിരുന്നത് കുറ്റകൃത്യം നടന്ന ഓഫിസിന് എതിര്‍വശത്തായിരുന്നു.

- ന്യൂഡല്‍ഹി സ്വദേശിയായ പ്രതി തന്റെ ഐഡന്റിറ്റി മറച്ചുവെക്കാന്‍ ശ്രമിച്ചിട്ടില്ലെന്ന് പ്രതിഭാഗം അഭിഭാഷകന്‍ പാഡി ഫ്‌ലിന്‍ ബിഎല്‍ കോടതിയില്‍ അറിയിച്ചു.

- ഡബ്ലിന്‍ 7 പ്രദേശത്ത് നടന്ന മൂന്ന് സംഭവങ്ങളുടേയും സിസിടിവി ദൃശ്യങ്ങള്‍ കേസില്‍ നിര്‍ണായകമായി.

- ഹോസ്റ്റലിലെ ഒരു ജോലിക്കാരിക്കും ഹാലോവീന്‍ രാത്രിയില്‍ റോഡിലൂടെ പോകുന്ന യുവതിക്കും മുന്നില്‍ പ്രതി കുറ്റകൃത്യം ആവര്‍ത്തിച്ചതായി തെളിഞ്ഞു.

കോടതിയുടെ നിരീക്ഷണം

പ്രതി കുറ്റകൃത്യങ്ങള്‍ ചെയ്ത സമയങ്ങളില്‍ മദ്യവും ലഹരിയും ഉപയോഗിച്ചിരുന്നുവെന്ന് കോടതിയില്‍ പറഞ്ഞെങ്കിലും, അറസ്റ്റ് സമയത്ത് അത് വ്യക്തമാക്കിയിരുന്നില്ലെന്ന് പ്രോസിക്യൂട്ടര്‍ വ്യക്തമാക്കി.

ജഡ്ജി മാര്‍ട്ടിന ബാക്സ്റ്റര്‍ അഭിപ്രായപ്പെട്ടത്, ലജ്ജയില്ലാതെ കുറ്റകൃത്യങ്ങളില്‍ ഏര്‍പ്പെട്ടിരുന്നതാണ് പ്രതി എന്നായിരുന്നു.

അടുത്ത നടപടികള്‍

കേസ് മേയ് 19ന് വീണ്ടും പരിഗണിക്കും