കണ്ണൂര്‍ അന്താരാഷ്ട്ര വിമാനത്താവളത്തില്‍ നിന്ന് ലണ്ടനിലെ ഹീത്രു വിമാനത്താവളത്തിലേക്കുള്ള കണക്ഷന്‍ സര്‍വീസുകള്‍ ആരംഭിച്ചു. ഇന്‍ഡിഗോയും എയര്‍ ഇന്ത്യ എക്സ്പ്രസും ചേര്‍ന്നാണ് പുതിയ സര്‍വീസുകള്‍ ഒരുക്കിയിരിക്കുന്നത്. വടക്കന്‍ കേരളത്തിലെ യാത്രക്കാര്‍ക്ക് ദീര്‍ഘദൂര യാത്രകള്‍ കൂടുതല്‍ സൗകര്യപ്രദമാക്കുക എന്നതാണ് ലക്ഷ്യം.

എയര്‍ ഇന്ത്യ എക്സ്പ്രസ് സര്‍വീസ് ബെംഗളൂരു വഴിയുള്ള കണ്ണൂര്‍-ലണ്ടന്‍ ഹീത്രു പ്രതിദിന സര്‍വീസ് നിലവില്‍ പ്രവര്‍ത്തിക്കുന്നു. കണ്ണൂരില്‍ നിന്ന് രാവിലെ 10.15ന് പുറപ്പെടുന്ന വിമാനം 11.25ന് ബെംഗളൂരുവില്‍ എത്തും.
അവിടെ നിന്ന് ഉച്ചയ്ക്ക് 2.10ന് പുറപ്പെടുന്ന എയര്‍ ഇന്ത്യ വിമാനം വൈകുന്നേരം 7.30ന് ലണ്ടനിലെത്തും. തിരിച്ചുള്ള യാത്രയില്‍ ലണ്ടനില്‍ നിന്ന് രാത്രി 9.05ന് പുറപ്പെട്ട് അടുത്ത ദിവസം ഉച്ചയ്ക്ക് 12.20ന് ബെംഗളൂരുവിലെത്തും. തുടര്‍ന്ന് കണ്ണൂരിലേക്കുള്ള കണക്ഷന്‍ ഫ്ലൈറ്റ് ലഭിക്കും.

ഇന്‍ഡിഗോ സര്‍വീസ് ഫെബ്രുവരി 6 മുതല്‍ ഡല്‍ഹി വഴിയുള്ള കണ്ണൂര്‍- ഹീത്രു കണക്റ്റിവിറ്റി ആരംഭിക്കുന്നു. ആഴ്ചയില്‍ നാല് ദിവസം (തിങ്കള്‍, ചൊവ്വ, വെള്ളി, ശനി) സര്‍വീസ് ലഭ്യമാകും. കണ്ണൂരില്‍ നിന്ന് രാവിലെ 6.05ന് പുറപ്പെടുന്ന വിമാനം 8.55ന് ഡല്‍ഹിയിലെത്തും. അവിടെ നിന്ന് രാവിലെ 11.55ന് പുറപ്പെടുന്ന വിമാനം വൈകുന്നേരം 5.10ന് ലണ്ടനിലെത്തും. തിരിച്ചുള്ള യാത്രയില്‍ ലണ്ടനില്‍ നിന്ന് രാത്രി 7.10ന് പുറപ്പെട്ട് അടുത്ത ദിവസം രാവിലെ 10.10ന് ഡല്‍ഹിയിലെത്തും. തുടര്‍ന്ന് അര്‍ധരാത്രിയോടെ കണ്ണൂരിലേക്കുള്ള കണക്ഷന്‍ ഫ്ലൈറ്റ് ലഭിക്കും.