യുകെയില്‍ പഠനവും ജോലിയും സ്വപ്നം കാണുന്ന ഇന്ത്യന്‍ വിദ്യാര്‍ത്ഥികള്‍ക്ക് മുന്നറിയിപ്പായി മാറുകയാണ് മാഞ്ചസ്റ്റര്‍ സര്‍വ്വകലാശാലയിലെ ഒന്നാം വര്‍ഷ പിഎച്ച്ഡി വിദ്യാര്‍ത്ഥിനിയായ അനുഷ്‌ക ദിവാകര്‍ പങ്കുവെച്ച വീഡിയോ.

അനുഷ്‌കയ്ക്ക് പ്രതിമാസം ലഭിക്കുന്ന സ്‌കോളര്‍ഷിപ്പ് ഏകദേശം 1,800 പൗണ്ട് (1.8 ലക്ഷം രൂപ). എന്നാല്‍, ഇതില്‍ 1,100 പൗണ്ട് (1.1 ലക്ഷം രൂപ) സര്‍വ്വകലാശാലയുടെ സ്റ്റുഡിയോ അക്കൗമഡേഷനായി വാടകയ്ക്കായി മാത്രം ചെലവാക്കേണ്ടി വരുന്നു. ലഭിക്കുന്ന തുകയുടെ 60 ശതമാനവും വാടകയ്ക്കായി പോകുന്നതോടെ, ബാക്കി വരുന്ന 700 പൗണ്ട് കൊണ്ടാണ് ഭക്ഷണവും മറ്റ് ചിലവുകളും കണ്ടെത്തേണ്ടത്.



പലചരക്ക് സാധനങ്ങള്‍: 100 പൗണ്ട്

സുഹൃത്തുക്കളോടൊപ്പം ഭക്ഷണം/പുറത്തുപോകല്‍: 50 പൗണ്ട്

അത്യാവശ്യ ഷോപ്പിംഗ്: 50 പൗണ്ട്

2025 ഒക്ടോബറില്‍ മാഞ്ചസ്റ്ററിലേക്ക് മാറിയ അനുഷ്‌ക, യുകെയിലെ പിഎച്ച്ഡി ജീവിതത്തിന്റെ യഥാര്‍ത്ഥ ചിത്രം വരാനിരിക്കുന്ന വിദ്യാര്‍ത്ഥികള്‍ക്ക് മുന്നില്‍ അവതരിപ്പിക്കാനാണ് വീഡിയോ ചെയ്തതെന്ന് വ്യക്തമാക്കി.

വീഡിയോ പുറത്തുവന്നതോടെ സോഷ്യല്‍ മീഡിയയില്‍ വലിയ ചര്‍ച്ചകള്‍. വിദ്യാര്‍ത്ഥികള്‍ക്ക് വാടകയിനത്തില്‍ ഇത്രയും ഉയര്‍ന്ന തുക നല്‍കേണ്ടി വരുന്നത് ആശങ്കാജനകമാണെന്ന് പലരും അഭിപ്രായപ്പെട്ടു. മാഞ്ചസ്റ്റര്‍ പോലുള്ള നഗരങ്ങളിലെ താമസസൗകര്യങ്ങളുടെ നിരക്ക് ഇത്രയധികം കൂടുമെന്ന് കരുതിയില്ലെന്ന് കമന്റുകളില്‍ പലരും രേഖപ്പെടുത്തി.

അതേസമയം, വിദേശത്തേക്ക് പോകാന്‍ തയ്യാറെടുക്കുന്നവര്‍ക്ക് ഇത്തരം സത്യസന്ധമായ വിവരങ്ങള്‍ വലിയ സഹായമാണെന്നും, ഉയര്‍ന്ന സ്‌കോളര്‍ഷിപ്പ് ലഭിച്ചാല്‍ മാത്രം വിദേശത്ത് സുഖമായി ജീവിക്കാമെന്ന ധാരണ തെറ്റാണെന്നും അനുഷ്‌കയുടെ അനുഭവം തുറന്നുകാട്ടുന്നു.