|
ലണ്ടന് നഗരത്തില് ഇന്നലെ നടത്തിയ കുടിയേറ്റ വിരുദ്ധ റാലി പ്രതിരോധിക്കാന് ഡ്യൂട്ടി ചെയ്ത 26 പൊലീസുകാര്ക്ക് പരിക്കേറ്റു. നാല് പേരുടെ നില ഗുരുതരം. പല്ല് പൊട്ടിയവരും മൂക്കിന്റെ പാലം തകര്ന്നവരും നട്ടെല്ലിന് പരിക്കേറ്റവരുമുണ്ട്. 25 ഓളം പ്രതിഷേധക്കാരെ വിവിധ കുറ്റങ്ങള് ചുമത്തി അറസ്റ്റ് ചെയ്തിട്ടുണ്ട്. സംഘര്ഷമുണ്ടാകുന്നത് തടയാന് ശ്രമിച്ച പൊലീസുകാര് ക്രൂര മര്ദനത്തിന് ഇരയായി.
പ്രതീക്ഷിച്ചതിലേറെ ജനമെത്തിയത് പ്രതിഷേധവുമായി ബന്ധപ്പെട്ട് പൊലീസിന്റെ കണക്കുകൂട്ടലുകള് തെറ്റിച്ചുവെന്നാണ് വിവരം. ഫാസിസ്റ്റ് വിരുദ്ധവാദികളും വംശീയ വിരുദ്ധവാദികളും മറുപക്ഷത്ത് അണിനിരന്നതോടെയാണ് പലയിടത്തും കാര്യങ്ങള് സംഘര്ഷത്തിലേക്ക് പോയത്. |
