ശബരിമലയിലെ ഈ മണ്ഡല മകരവിളക്ക് സീസണില്‍ തന്ത്രിസ്ഥാനത്തുനിന്ന് തന്നെ ഒഴിവാക്കണമെന്ന് ആവശ്യപ്പെട്ട് തന്ത്രി കണ്ഠര് രാജീവര് ദേവസ്വം ബോര്‍ഡിന് കത്ത് നല്‍കി. അനാരോഗ്യം കാരണം ചടങ്ങുകള്‍ ചെയ്യാന്‍ ബുദ്ധിമുട്ടുണ്ടെന്നാണ് കത്തില്‍ വ്യക്തമാക്കുന്നത്. തനിക്ക് പകരം മകന്‍ ബ്രഹ്‌മദത്തന് തന്ത്രിസ്ഥാനം നല്‍കണമെന്നും അദ്ദേഹം ആവശ്യപ്പെട്ടിട്ടുണ്ട്. ഇക്കാര്യം ഹൈക്കോടതിയുടെ ശ്രദ്ധയില്‍പ്പെടുത്തിയ ശേഷമേ അന്തിമ തീരുമാനമെടുക്കൂ എന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് കെ. ജയകുമാര്‍ അറിയിച്ചു. ശബരിമല സ്വര്‍ണക്കൊള്ള കേസില്‍ പ്രതിയായതിന് പിന്നാലെയാണ് തന്ത്രി സ്ഥാനത്തുനിന്ന് മാറാന്‍ കണ്ഠര് രാജീവര് ബോര്‍ഡിനോട് ആവശ്യപ്പെട്ടിരിക്കുന്നത്.