|
ഡല്ഹി പ്രക്ഷോഭത്തിനിടെ തന്നെ അധിക്ഷേപിച്ച യുവാക്കളോട് താന് ക്ഷമിച്ചുവെന്ന് പ്രധാനമന്ത്രി നരേന്ദ്രമോദി. യുവാക്കളെ ശിക്ഷിക്കാന് താന് ആഗ്രഹിക്കുന്നില്ലെന്നും അവര്ക്ക് തെറ്റുകള് തിരുത്താന് അവസരം നല്കണമെന്നും പ്രധാനമന്ത്രി വീഡിയോ സന്ദേശത്തില് പറഞ്ഞു. വെള്ളിയാഴ്ച രാത്രി സമൂഹമാധ്യമങ്ങളില് പങ്കുവെച്ച വീഡിയോ സന്ദേശത്തിലൂടെയായിരുന്നു അദ്ദേഹത്തിന്റെ പ്രതികരണം.
ജന്തര് മന്തറില് നടന്നത് രാജ്യം മുഴുവന് കണ്ടു, ലോകവും കണ്ടു. ചിലര് യുവാക്കള് ഒരു സാംസ്കാരിക സമൂഹത്തിനും യോജിക്കാത്ത വിധത്തില് എന്നെ അധിക്ഷേപിച്ചു. എന്നെ മാത്രമല്ല, എന്റെ അമ്മയെയും അവര് അധിക്ഷേപിച്ചു. തെറ്റുകള് സംഭവിക്കാറുണ്ടെന്നും അതില് നിന്ന് പഠിക്കാനുള്ള അവസരം യുവാക്കള്ക്ക് നല്കണമെന്നും പ്രധാനമന്ത്രി അഭിപ്രായപ്പെട്ടു.
'അവര് ഏത് മാനസികാവസ്ഥയിലായിരുന്നു എന്ന് എനിക്കറിയില്ല. എന്നാല് ബാല്യത്തിലും യൗവനത്തിലും തെറ്റുകള് സംഭവിക്കുന്നത് സ്വാഭാവികമാണ്. അതില് നിന്ന് പാഠം പഠിക്കാനുള്ള അവസരവുമാണ് ആ പ്രായം നല്കുന്നത്' അദ്ദേഹം പറഞ്ഞു. |
